ബഹിരാകാശ ഗവേഷണ മേഖലയില് ഇന്ത്യയുമായി സഹകരണത്തിന് യു.എ.ഇ
യു.എ.ഇ ബഹിരാകാശ ഏജന്സി ചെയര്മാന് ഡോ. ഖലീഫ അല് റുമൈതി, ഡയറക്ടര് ജനറല് ഡോ. മുഹമ്മദ് നാസര് അല് അഹ്ബാബി എന്നിവരുടെ നേതൃത്വത്തിലുള്ള ഉന്നതതല പ്രതിനിധി സംഘം ഇന്ത്യയും യു.എ.ഇ-യുമായുള്ള സഹകരണം ബഹിരാകാശ ഗവേഷണ രംഗത്തേക്കും വ്യാപിപ്പിക്കാനായി ഐ.എസ്.ആര്.ഒ സന്ദര്ശിക്കുന്നു.
ബഹിരാകാശ മേഖലയില് ഐ.എസ്.ആര്.ഒ നടത്തിയ പര്യവേക്ഷണങ്ങളെക്കുറിച്ച് വിശദമായി പഠിച്ച സംഘം സാറ്റലൈറ്റ് അസംബ്ലി, കൃത്രിമ ഉപഗ്രഹ വിക്ഷേപണത്തിനു മുമ്പ് അവസാന പരിശോധനകള് നടത്തുന്ന ടെസ്റ്റിംഗ് സെന്റര് എന്നിവിടങ്ങളും സന്ദര്ശിക്കും.
ബഹിരാകാശ ഗവേഷണ മേഖലയില് വളരെയേറെ പുരോഗതി നേടിയ രാഷ്ട്രമാണ് ഇന്ത്യയെന്നും ശക്തമായ അടിത്തറയും ആകര്ഷകമായ പദ്ധതികളും ഇന്ത്യയ്ക്കുണ്ടെന്നും അല് അഹ്ബാബി പറഞ്ഞു.
ബഹിരാകാശ മേഖലയില് നടപ്പാക്കാനുദ്ദേശിക്കുന്ന പദ്ധതികളെക്കുറിച്ചുള്ള വിശദമായ അവതരണവും യു.എ.ഇ ബഹിരാകാശ ഏജന്സി നല്കുകയുണ്ടായി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
