മകള്‍ ഷീന ബോറയെ കൊലപ്പെടുത്തിയെന്ന കേസില്‍ പൊലീസ് കസ്റ്റഡിയില്‍ കഴിയുന്ന ഇന്ദ്രാണി മുഖര്‍ജിയെ നെഞ്ചു വേദനയെത്തുടര്‍ന്ന് ആശുപത്രിയില്‍ പ്രവേശിപ്പിച്ചു. ഇന്ന് വൈകിട്ടാണ് ഇന്ദ്രാണി മുഖര്‍ജിയെ ജയിലില്‍നിന്ന് മുംബൈ ജെജെ ആശുപത്രിയിലേക്ക് മാറ്റിയത്. ഇവര്‍ ആത്മഹത്യയ്ക്ക് ശ്രമിച്ചതാണെന്ന് റിപ്പോര്‍ട്ടുകള്‍ പറയുന്നു.
ഇന്ദ്രാണി മുഖര്‍ജി അബോധാവസ്ഥയിലാണെന്നും അമിതമായ അളവില്‍ മരുന്ന് ഉള്ളില്‍ ചെന്നതാകാം അബോധാവസ്ഥയിലാകാന്‍ കാരണമെന്നും ആശുപത്രി അധികൃതര്‍ അറിയിച്ചു. ഇവരുടെ നില ഗുരുതരമാണെന്നാണ് സൂചന.
സ്റ്റാര്‍ ഇന്ത്യ മുന്‍ സിഇഒ പീറ്റര്‍ മുഖര്‍ജിയുടെ ഭാര്യയാണ് ഇന്ദ്രാണി മുഖര്‍ജി. ഐഎന്‍എക്‌സ് മീഡിയ മുന്‍ സിഇഒ എന്ന നിലയില്‍ മുംബൈ മാധ്യമരംഗത്തു ശ്രദ്ധേയ സാന്നിധ്യമാണ് ഇന്ദ്രാണി മുഖര്‍ജി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha