ലൈംഗിക പീഡനം സഹിക്കാൻ കഴിയാതെ അമ്മായിയച്ഛനെ യുവതിയും സഹോദരനും ചേർന്ന് തല്ലിക്കൊന്നു. തെലങ്കാനയിലെ വനപര്‍ത്തി ജില്ലയിലെ ഗോപാല്‍പേട്ട് മണ്ഡലത്തിലെ ചേന്നൂരിലാണ് സംഭവം.52-കാരനായ കാവലി പെദ്ദരാമുലു ആണ് കൊല്ലപ്പെ‌ട്ടത്.

ഇയാളുടെ ആറുമാസം മുന്‍പാണ് ഗ്രാമത്തില്‍ തന്നെയുള്ള യുവതിയെ പ്രണയിച്ച്‌ വിവാഹം കഴിച്ചത്. വിവാഹശേഷം രണ്ടുമാസത്തോളം ഹൈദരാബാദിലാണ് ദമ്പതികള്‍ താമസിച്ചിരുന്നത്. എന്നാല്‍ യുവാവിന്‍റെ അമിത മദ്യപാനത്തെ തുടര്‍ന്ന് ഇരുവരും ഗ്രാമത്തിലേക്ക് മടങ്ങി. ഈ സമയത്താണ് മരുമകളെ ലൈംഗികമായി പീഡിപ്പിച്ചത്.

യുവതി അയല്‍ക്കാരോട് ഇക്കാര്യം തുറന്നു പറഞ്ഞെർങ്കിലും അരും വിശ്വസിക്കാൻ തയ്യാറായില്ല.കൃഷിയിടത്തില്‍ വെച്ച്‌ രാമുലു വീണ്ടും യുവതിയോട് ലൈംഗികാതിക്രമണത്തിന് മുതിര്‍ന്നതോടെ യുവതി വിവരം സഹോദരനോട് വെളിപ്പെടുത്തി.

ഇതറിഞ്ഞ സഹോദരൻ സംഭവസ്ഥലത്ത് എത്തി.തുടർന്ന് സഹോദരനും യുവതിയും ചേര്‍ന്ന് രാമുലുവിനെ മര്‍ദ്ദിച്ച്‌ അവശനാക്കിയ ശേഷം സഹോദരന്‍ വിവരം ഗോപാല്‍പേട്ട് പൊലീസിനെ അറിയിച്ചു.സംഭവം അറിഞ്ഞ പൊലീസ് സ്ഥലത്തെത്തി രാമുലുവിനെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. യുവതിക്കും സഹോദരനും എതിരെ പൊലീസ് കേസെടുത്ത് അന്വേഷണം പുരോഗമിക്കുകയാണ്.