മുഹമ്മദ് ഇഖ്‌ലാഖിന്റെ മരണത്തിന് കാരണം രാഷ്ട്രീക്കാരാണെന്ന് പ്രതിയുടെ പിതാവ് വ്യക്തമാക്കി. ഗ്രാമത്തിലേക്കുള്ള രാഷ്ട്രീയ നേതാക്കളുടെ വരവാണ് വിഷയം ഇത്ര വഷളാക്കാന്‍ കാരണമായതെന്നും പ്രതിയുടെ പിതാവ് രാജേഷ് റാണ പറഞ്ഞു. രാഷ്ടീയ നേതാക്കളുടെ വാക്കുകള്‍ കാരണമാണ് ഈ കൊലപാതകം ഇത്രയും വശളായതെന്നും അവര്‍ പറഞ്ഞു. ഇവിടേക്കുള്ള മന്ത്രിമാരുടെ വരവ് നിര്‍ത്തണം. അങ്ങനെയാണെങ്കില്‍ ഇവിടുത്തെ സംഘര്‍ഷാവസ്ഥയ്ക്ക് ഇളവുവരുമെന്ന് പ്രതിയുടെ പിതാവ് രാജേഷ് റാണ പറഞ്ഞു.
കേസ് കൈകാര്യം ചെയ്യുന്നതില്‍ പൊലീസിന് വീഴ്ച പറ്റി. ഇഖ്‌ലാഖ് എനിക്കൊരു സഹോദരനെപ്പോലെയാണ്. എന്റെ മകനെതിരായ ആരോപണങ്ങളെല്ലാം തെറ്റാണെന്നും റാണ പറഞ്ഞു. അതേസമയം, പശുവിറച്ചി കഴിച്ചുവെന്നാരോപിച്ച് ദാദ്രിയില്‍ ജനക്കൂട്ടം മര്‍ദിച്ചുകൊന്ന മുഹമ്മദ് ഇഖ്‌ലാഖിന്റെ കുടുംബത്തിനു നീതി ഉറപ്പാക്കുമെന്ന് ഉത്തര്‍പ്രദേശ് മുഖ്യമന്ത്രി അഖിലേഷ് യാദവ് ഉറപ്പുനല്‍കി. കുടുംബത്തിനുള്ള ധനസഹായം 45 ലക്ഷം രൂപയായി ഉയര്‍ത്തിയെന്നും ഇഖ്‌ലാഖിന്റെ വീട് സന്ദര്‍ശിച്ച അദ്ദേഹം പ്രഖ്യാപിച്ചിട്ടുണ്ട്. കഴിഞ്ഞ തിങ്കളാഴ്ച രാത്രിയാണ് പശുവിറച്ചി കഴിച്ചെന്നാരോപിച്ച് ഒരുസംഘമാളുകള്‍ ഇഖ്‌ലാഖിനെ വീട്ടില്‍നിന്നു വലിച്ചിറക്കി മര്‍ദിച്ചുകൊന്നത്. മകന്‍ ഡാനിഷിനും പരുക്കേറ്റു. സംഭവത്തില്‍ മജിസ്‌ട്രേട്ട്തല അന്വേഷണത്തിന് ഉത്തരവായിട്ടുണ്ട്.
എന്നാല്‍്, ഈ സംഭവത്തില്‍ മുഖ്യമന്ത്രി അഖിലേഷ് യാദവ് വര്‍ഗീയത കലര്‍ത്തുകയാണെന്ന് ബിജെപി വ്യക്തമാക്കി. ദാദ്രിയില്‍ സന്ദര്‍ശനം നടത്തിയ ബിജെപി എംഎല്‍എ സംഗീത് സോമാണ് സമാജ്‌വാദി പാര്‍ട്ടിക്കും അഖിലേഷിനുമെതിരെ രംഗത്തെത്തിയിരുന്നു. ന്യൂനപക്ഷങ്ങളെ പ്രീണിപ്പിക്കുന്നതിനായി നിരപരാധികളെ കുടുക്കാനാണ് സര്‍ക്കാര്‍ ശ്രമിക്കുന്നത്. കേസിലെ കുറ്റവാളികളെ പിടികൂടുന്നതിന് മുന്‍പ് ഇറച്ചിയുടെ സാംപിളുകള്‍ പരിശോധനയ്ക്കയച്ച സംസ്ഥാന പൊലീസിന്റെ നടപടിയെയും ബിജെപി ചോദ്യം ചെയ്തു.
വിവാദമായി തീര്‍ന്ന ഈ വിഷയത്തിന് വര്‍ഗീയ നിറം നല്‍കാനുള്ള ശ്രമത്തിന്റെ ഭാഗമാണ് ഇറച്ചിയുടെ സാംപിളുകള്‍ പരിശോധനയ്ക്ക് അയച്ചതെന്നും ബിജെപി ആരോപിച്ചിരുന്നു. 2013ലെ മുസാഫര്‍ കലാപ സമയത്ത് വിവാദ പ്രസംഗം നടത്തി കുപ്രശസ്തി നേടിയ വ്യക്തിയാണ് സംഗീത് സോം. മുന്‍പ് പടിഞ്ഞാറന്‍ ഉത്തര്‍പ്രദേശില്‍ കലാപമുണ്ടായപ്പോള്‍ ചെയ്തതുപോലെ പക്ഷപാതപരമായാണ് സംസ്ഥാന സര്‍ക്കാര്‍ പെരുമാറുന്നത്. മാത്രമല്ല, പശുവിനെ കൊന്നവരെ സംരക്ഷിക്കുന്ന നിലപാടുമാണ് സര്‍ക്കാരിന്റേതെന്നും അദ്ദേഹം ആരോപിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha