നരേന്ദ്ര മോദിയെ പുരാണത്തിലെ ധൃതരാഷ്ട്രരോട് ഉപമിച്ച് ആര്‍ജെഡി നേതാവ് ലാലുപ്രസാദ് യാദവ്. ഹസ്തിനപൂരില്‍ വാണിരുന്ന ധൃതരാഷ്ട്രര്‍ അന്ധന്‍ മാത്രമല്ല ബധിരനും മൂകനും കൂടിയായിരുന്നു. എന്നാല്‍ ഈ ധൃതരാഷ്ട്രരാവട്ടെ മഹാഭീരുവാണ്. അദ്ദേഹം ഇടയ്ക്കിടക്ക് ഉച്ചത്തില്‍ അലറി വിളിക്കാറുണ്ട്. എന്നാല്‍ അതാവശ്യമായ സമയത്ത് അദ്ദേഹം മൗന വ്രതത്തിലായിരിക്കുമെന്നും ലാലുപ്രസാദ് ട്വീറ്റ് ചെയ്തു.

സമൂഹത്തില്‍ അരാജകത്വം സൃഷ്ടിക്കാനാണ് ബിജെപി നേതാക്കളുടെ ശ്രമം. നിതീഷിനും ലാലുവിനും അറിയാവുന്നതുപോലെ ബിഹാറിനെ മറ്റാര്‍ക്കാണ് അറിയുക. പുറത്തുനിന്നുള്ളവരെ സംസ്ഥാനം ഭരിക്കാന്‍ ബിഹാറിലെ ജനങ്ങള്‍ ഒരിക്കലും അനുവദിക്കില്ലെന്നും ലാലുപ്രസാദ് പറഞ്ഞു.

നരേന്ദ്ര മോദിയെ മുന്‍പും പുരാണ കഥാപാത്രങ്ങളോട് ലാലുപ്രസാദ് ഉപമിച്ചിട്ടുണ്ട്. പുരാണങ്ങളിലെ കാളിയന്‍ എന്ന കാളകൂട സര്‍പ്പത്തിന്റെ പുനരവതാരമാണ് നരേന്ദ്ര മോദിയെന്നും ഗുജറാത്ത് മുഴുവന്‍ വിഷം ചീറ്റിയ ശേഷം ഇപ്പോള്‍ ബിഹാറിലേക്ക് പ്രവേശിച്ചിരിക്കുകയാണെന്നും ലാലുപ്രസാദ് മുന്‍പ് പറഞ്ഞിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha