ദത്തെടുക്കല്‍ നിയമത്തിലെ വ്യവസ്ഥകള്‍ അംഗീകരിക്കാന്‍ വിമുഖത പ്രകടിപ്പിച്ച സാഹചര്യത്തില്‍ കൊല്‍ക്കത്തയിലെ മിഷണറീസ് ഓഫ് ചാരിറ്റീസിന്റെ അനാഥാലയങ്ങളുടെ അംഗീകാരം റദ്ദാക്കിയേക്കും. നിയമപരമായി വിവാഹബന്ധം വേര്‍പെടുത്തിയവര്‍ക്കും ഒറ്റയ്ക്ക് ജീവിക്കുന്നവര്‍ക്കും കുട്ടികളെ ദത്ത് നല്‍കണമെന്ന വ്യവസ്ഥയാണ് മിഷണറീസ് ഓഫ് ചാരിറ്റീസ് അംഗീകരിക്കാന്‍ കൂട്ടാക്കാതിരിക്കുന്നത്.

നിയമത്തിലെ വ്യവസ്ഥകള്‍ അംഗീകരിക്കാനാകില്ലെന്നും അനാഥാലയങ്ങളുടെ അംഗീകാരം റദ്ദാക്കാമെന്നും അറിയിച്ച് മിഷണറീസ് ഓഫ് ചാരിറ്റി സെന്‍ട്രല്‍ അഡോപ്ഷന്‍ റിസോഴ്‌സ് അഥോറിറ്റിക്ക് കത്ത് നല്‍കിയിട്ടുണ്ട്. നിയമം പാലിക്കാതിരുന്നാല്‍ അനാഥാലയങ്ങളുടെ അംഗീകാരം റദ്ദാക്കുകയല്ലാതെ മറ്റ് വഴികള്‍ ഇല്ലെന്ന് വനിതാ ശിശുക്ഷേമ മന്ത്രി മനേക ഗാന്ധി പ്രതികരിച്ചു.

ദത്തെടുക്കല്‍ നിയമ വ്യവസ്ഥ മിഷണറീസ് ഓഫ് ചാരിറ്റി അംഗീകരിക്കുന്നില്ലെന്ന് കാണിച്ച് സെന്‍ട്രല്‍ അഡോപ്ഷന്‍ റിസോഴ്‌സ് അഥോറിറ്റിക്ക് പരാതി ലഭിച്ചിരുന്നു. 13 അനാഥാലയങ്ങളാണ് മിഷണറീസ് ഓഫ് ചാരിറ്റി നടത്തുന്നത്. മദര്‍തെരേസയുടെ പിന്‍ഗാമികളായ സന്യാസിനീ സമൂഹമാണ് മിഷണറീസ് ഓഫ് ചാരിറ്റി. കഴിഞ്ഞ ജൂലൈയില്‍ വനിതാശിശുക്ഷേമമന്ത്രാലയം ദത്തെടുക്കല്‍ നിയമത്തിലെ വ്യവസ്ഥകള്‍ കൂടുതല്‍ കര്‍ശനമാക്കിയിരുന്നു.

എന്നാല്‍ നിയമപരമായി ബന്ധം വേര്‍പെടുത്തിയവര്‍ക്കും ഒറ്റയ്ക്ക് ജീവിക്കുന്നവര്‍ക്കും കുട്ടികളെ ദത്ത് നല്‍കണമെന്ന വ്യവസ്ഥ അംഗീകരിക്കാന്‍ കഴിയില്ലെന്നാണ് മിഷണറീസ് ഓഫ് ചാരിറ്റിയുടെ നിലപാട്. സ്ഥാപനത്തിന്റെ ആശയവും ലക്ഷ്യവുമായി പൊരുത്തപ്പെടുന്നതല്ല ഇവയെന്നാണ് ന്യായീകരണം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha