ഇന്ത്യയുമായി ചര്‍ച്ചയ്ക്ക് തയ്യാറാണെന്ന് പാക് വെളിപ്പെടുത്ല്‍ ഉണ്ടായതിനു പിറകേ കശ്മീരിലെ വിഘടനവാദി സംഘടനയായ ഹുറിയത് കോണ്‍ഫറന്‍സ് നേതാവ് സയിദ് അലി ഷാ ഗിലാനിയെ പാക്കിസ്ഥാന്‍ സന്ദര്‍ശിക്കാന്‍ പ്രധാനമന്ത്രി നവാസ് ഷെരീഫ് ക്ഷണിച്ചു. കഴിഞ്ഞ ദിവസം ഡല്‍ഹിയില്‍ പാക്കിസ്ഥാന്‍ ഹൈക്കമ്മിഷണര്‍ അബ്ദുല്‍ ബാസിത് ഒരുക്കിയ അത്താഴ വിരുന്നില്‍ ഗിലാനി പങ്കെടുത്തിരുന്നു. പാക്കിസ്ഥാനിലേക്ക് ക്ഷണിച്ചു കൊണ്ടുള്ള നവാസ് ഷെരീഫിന്റെ ക്ഷണക്കത്ത് അവിടെ വച്ച് ഗിലാനിക്ക് കൈമാറിയതായി ഹുറിയത് കോണ്‍ഫറന്‍സ് വക്താവ് അറിയിച്ചു.
കശ്മീര്‍ വിഷയം ഇരുരാജ്യങ്ങളും തമ്മിലുള്ള അതിര്‍ത്തി പ്രശ്‌നം സംബന്ധിച്ചത് മാത്രമല്ല. രണ്ടു കോടി ജനങ്ങളുടെ സ്വയം നിര്‍ണയ അവകാശവും കൂടി ബന്ധപ്പെട്ടവയാണ്. കശ്മീര്‍ വിഷയം മറന്നുകൊണ്ടുള്ള ഒരു ഉഭയകക്ഷി ചര്‍ച്ചകള്‍ക്കും പാക്കിസ്ഥാന്‍ തയാറല്ലെന്ന് നേരത്തെ തന്നെ വ്യക്തമാക്കിയിട്ടുണ്ടെന്നും കത്തില്‍ ഷെരീഫ് പറഞ്ഞിട്ടുള്ളതായി വക്താവ് വ്യക്തമാക്കി. നവാസ് ഷെരീഫിന്റെ ക്ഷണം ഗിലാനി സ്വീകരിച്ചതായും വക്താവ് പറഞ്ഞു. എന്നാല്‍ പാക്ക് സന്ദര്‍ശനത്തിനുള്ള കൃത്യമായ തീയതി തീരുമാനിച്ചിട്ടില്ല.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha