കൊടുംഭീകരന് അബ്ദുള് കരീം ടുണ്ടയെ അറസ്റ്റ് ചെയ്തു
ലഷ്കര് ഇ തോയ്ബ നേതാവ് സെയ്ദ് അബ്ദുള് കരിം ടുണ്ടയെ നേപ്പാള് അതിര്ത്തിയില് നിന്ന് അറസ്റ്റ് ചെയ്തു. ഡല്ഹി പോലീസാണ് ടുണ്ടയെ അറസ്റ്റ് ചെയ്തത്. നാല്പതില്പരം സ്ഫോടനക്കേസുകളില് പ്രതിയാണ് ഇയാള്. ഇന്ത്യയിലെ 20 കൊടുംഭീകരരില് ഉള്പ്പെടുന്ന ഒരാളാണ് ടുണ്ട.
1996-നും 1998-നും ഇടയില് ഡല്ഹിയിലും പാനിപ്പട്ടിലും സോനേപ്പട്ടിലും ലുധിയാനയിലും കാണ്പൂരിലും വാരണാസിയിലും ഉണ്ടായ സ്ഫോടനങ്ങളില് 21 പേരാണ് മരിച്ചു. 400-ലധികം പേര്ക്ക് പരിക്കേറ്റു.
ഉത്തര്പ്രദേശില് ജനിച്ച ഇയാള് 80-കളില് പാകിസ്താനിലെത്തി ഐഎസ്ഐയുടെ പരിശീലനം നേടി. പിന്നീട് ബംഗ്ലാദേശിലേക്ക് കടന്ന് ലഷ്കറിന്റെ നേതാവ് സക്കി ഉര് റഹ്മാന് ലാഖ്വിയെ കണ്ടു. തുടര്ന്ന് വര്ഷങ്ങളോളം ലഷ്കറില് പ്രവര്ത്തിച്ചു. അന്താരാഷ്ട്ര തലത്തില് ബുദ്ധമതക്കാര്ക്കെതിരെ ആക്രമണം നടത്താന് രോഹിങ്ക്യകളെ പ്രോത്സാഹിപ്പിച്ചു എന്നതുള്പ്പെടെയുള്ള കേസുകള് ടുണ്ടക്കെതിരെ നിലനില്ക്കുന്നുണ്ട്.
2000ല് ടുണ്ട കൊല്ലപ്പെട്ടതായി വാര്ത്തകള് വന്നിരുന്നു. അതോടെ ടുണ്ടയെ കണ്ടെത്താനുള്ള അന്വേഷണങ്ങള് അവസാനിച്ചു. എന്നാല് 2005ല് അറസ്റ്റിലായ ലഷ്കര് നേതാവ് അബ്ദുള് റസാഖ് മസൂദ് ടുണ്ട ജീവിച്ചിരിക്കുന്നതായി വെളിപ്പെടുത്തി. തുടര്ന്ന് ഇയാള്ക്കു വേണ്ടിയുള്ള അന്വേഷണം ശക്തമാക്കുകയായിരുന്നു.
https://www.facebook.com/Malayalivartha