പ്രതിഷേധവുമായി എഴുത്തുക്കാര്, കേന്ദ്ര സാഹിത്യ അക്കാദമിക്ക് മുന്നില് എഴുത്തുകാരുടെ പ്രതിഷേധം
കേന്ദ്ര സാഹിത്യ അക്കാദമിക്ക് മുന്നില് ചേരിതിരിഞ്ഞു പ്രതിഷേധം. സര്ക്കാരിന്റെ ഫാസിസ്റ്റ് നയങ്ങളില് പ്രതിഷേധിച്ച് സാഹിത്യകാരന്മാരും പുരസ്കാരങ്ങള് സാഹിത്യകാരന്മാര് തിരിച്ചു നല്കുന്നതില് ബിജെപി അനുകൂല സംഘടനകളുമാണ് അക്കാദമിക്ക് മുന്നില് പ്രതിഷേധിച്ചത്.
സാഹിത്യകാരന്മാരുടെ പ്രതിഷേധം രാഷ്ട്രീയ പ്രേരിതമാണെന്നും പുരസ്കാരങ്ങള് മടക്കി നല്കുന്നത് രാജ്യത്തോടുള്ള അനാദരവാണെന്നുമാണ് എഴുത്തുകാര്ക്കെതിരേ പ്രതിഷേധിക്കുന്നവരുടെ വാദം. അതേസമയം രാജ്യത്തെ ഫാസിസ്റ്റ് നയങ്ങള്ക്കെതിരേ പ്രമേയം പാസാക്കണമെന്ന് ആവശ്യപ്പെട്ട് എഴുത്തുകാര് സാഹിത്യ അക്കാദമിക്ക് കത്തു നല്കി. സാഹിത്യ അക്കാദമി അടിയന്തരയോഗം പുരോഗമിക്കുന്നതിനിടെയാണ് പുറത്തു പ്രതിഷേധങ്ങള് അരങ്ങേറുന്നത്.
കനത്ത പോലീസ് കാവലും അക്കാദമിക്ക് മുന്നിലുണ്ട്. കേന്ദ്ര സര്ക്കാരിന്റെ ഫാസിസ്റ്റ് നയങ്ങളില് പ്രതിഷേധിച്ച് എഴുത്തുകാര് പുരസ്ക്കാരങ്ങള് തിരിച്ച് നല്കുന്നതിന്റെ പശ്ചാത്തലത്തിലാണ് അടിയന്തരയോഗം അക്കാദമി വിളിച്ചുചേര്ത്തിരിക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
