ആന്ധ്രയ്ക്കായി അമരാവതി ഒരുങ്ങുന്നു; നരേന്ദ്രമോദി വ്യാഴാഴ്ച ശിലാസ്ഥാപന കര്മ്മം നിര്വഹിച്ചു
ആന്ധ്രപ്രദേശിന്റെ പുതിയ തലസ്ഥാന നഗരമായ അമരാവതിയുടെ ശിലാസ്ഥാപന കര്മ്മം വിദേശരാജ്യങ്ങളുടെ മന്ത്രിമാരടക്കമുള്ള വിശിഷ്ടാതിഥികളുടെ സാന്നിദ്ധ്യത്തില് പ്രധാനമന്ത്രി നരേന്ദ്രമോദി നിര്വ്വഹിച്ചു. സിംഗപ്പൂര് സര്ക്കാരിന്റെ സഹായത്തോടെ 217 ചതുരശ്ര കിലോമീറ്ററില് ലോകനിലവാരത്തിലാണ് ആന്ധ്രയുടെ പുതിയ തലസ്ഥാനം നിര്മ്മിക്കുന്നത്. അമരാവതിയോട് ചേര്ന്ന് 2,00,000 കോടി രൂപ മുതല് മുടക്കില് പുതിയ കാര്ഷിക മേഖലയും ഒരുക്കുന്നുണ്ട്.
13 ജില്ലകളില് നിന്നായി ഒരു കിലോ മണ്ണും ഒരു ലിറ്റര് വെള്ളവും കൊണ്ടുവന്ന് കൃഷ്ണ നദിയുടെ തീരത്ത് ഒരുക്കിയിട്ടുള്ള ഭീമന് സ്റ്റേജില് തളിച്ചാണ് അമരാവതിയുടെ ശിലാസ്ഥാപനം കര്മ്മം നടത്തിയത്. ഇതിനായി തിരുമല, ശ്രീശൈലം, വൈഷ്ണോദേവി, അജ്മീര്, വാരണാസി, ശബരിമല ഉള്പ്പെടെയുള്ള പുണ്യസ്ഥലങ്ങളില് നിന്നുള്ള വെള്ളവും മണ്ണും ഇവിടെ എത്തിച്ചിരുന്നു.
![\"\"](\"/userfiles/AMARAVATI.jpg\")
ശിലാസ്ഥാപനത്തിനു ശേഷം പ്രധാനമന്ത്രി നരേന്ദ്രമോദി തിരുപ്പതി വിമാനത്താവളത്തിലെ ഗരുഡ ടെര്മിനലിന്റെ ഉദ്ഘാടനവും തിരുപ്പതിയിലെ മൊബൈല് നിര്മ്മാണ യൂണിറ്റിന്റെ ശിലാസ്ഥാപനവും നിര്വഹിച്ചു. തുടര്ന്ന് തിരുപ്പതി ക്ഷേത്ര ദര്ശനവും നടത്തി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
