രാമക്ഷേത്ര നിര്മ്മാണത്തിന് മുലയാം സിംഗിനും സമ്മതം, മുസ്ലീങ്ങളുടേയും ഹിന്ദുക്കളുടേയും ഇടയില് ഇടനിലക്കാരനായി പ്രവര്ത്തിക്കാനും തയ്യാര്
ലോക്സഭാ തെരഞ്ഞെടുപ്പടുത്തതോടെ ഹിന്ദു വേട്ടര്മാരെ മുന്നില് കണ്ട് രാമക്ഷേത്ര നിര്മ്മാണവുമായി വിവിധ രാഷ്ട്രീയ പാര്ട്ടികള് രംഗത്തെത്തി. രാമക്ഷേത്ര നിര്മാണവുമായി സമാജ്വാദി പാര്ട്ടി നേതാവ് മുലായം സിംഗ് യാദവും മുന്നോട്ട് വന്നിട്ടുണ്ട്.
അയോധ്യയിലെ രാമജന്മഭൂമിയില് വിശ്വഹിന്ദു പരിഷത്ത് പ്രഖ്യാപിച്ച ചടങ്ങുകള് തടയിടേണ്ടെന്ന് മുലായം സര്ക്കാരിനോട് ആവശ്യപ്പെട്ടിട്ടുണ്ട്. ഈ മാസം 25 മുതല് ഒക്ടോബര് 18 വരെയാണ് വിഎച്ച്പിയുടെ പരികര്മ ചടങ്ങുകള് നടക്കുന്നത്. ഇത് സംബന്ധിച്ച് വിഎച്ച്പി നേതാക്കള് അശോക് സിംഗാളിന്റെ നേതൃത്വത്തില് മുലായം സിംഗിനെയും യുപി മുഖ്യമന്ത്രി അഖിലേഷ് യാദവിനെയും സന്ദര്ശിച്ചപ്പോഴാണ് അനുകൂല തീരുമാനം അറിയിച്ചത്.
രാമക്ഷേത്ര നിര്മാണത്തിന് മുസ്ലീങ്ങള്ക്കിടയിലും ഹിന്ദുക്കള്ക്കിടയിലും ഇടനിലക്കാരനായി പ്രവര്ത്തിക്കാന് താന് തയ്യാറാണെന്നും മുലായം അറിയിച്ചിട്ടുണ്ട്. ക്ഷേത്ര നിര്മാണത്തിന് അനുകൂല നിലപാട് സ്വീകരിക്കാന് സമാജ്വാദി പാര്ട്ടി തയാറായാല് അനുകൂലമായ നിലപാട് സ്വീകരിക്കുമെന്ന് മുതിര്ന്ന വിഎച്ച്പി നേതാവ് സ്വാമി ചിന്മയാനന്ദന് പറഞ്ഞു.
https://www.facebook.com/Malayalivartha