ഇന്ത്യ ഏറെ പ്രതീക്ഷയോടെ കാത്തിരുന്ന ജിഎസ്എല്വി ഡി 5ന്റെ വിക്ഷേപണം ഇന്ധന ചോര്ച്ചയെ തുടര്ന്ന് മാറ്റിവച്ചു
ഇന്ത്യ തദ്ദേശിയമായി വികസിപ്പിച്ച ജിഎസ്എല്വിയുടെ വിക്ഷേപണം ഇന്ധന ചോര്ച്ചയെ തുടര്ന്ന് മാറ്റിവച്ചു. വിക്ഷേപണത്തിന് ഒരു മണിക്കൂര് 14 മിനിറ്റും 20 സെക്കന്ഡും അവശേഷിക്കെയാണ് കൗണ്ട് ഡൗണ് നിര്ത്തിയത്. ശ്രീഹരിക്കോട്ടയിലെ സതീഷ്ധവാന് ബഹിരാകാശ കേന്ദ്രത്തില് നിന്ന് തിങ്കളാഴ്ച്ച വൈകിട്ടോടെ വിക്ഷേപിക്കാനായിരുന്നു പദ്ധതി.
വിക്ഷേപണത്തിന്റെ രണ്ടാം ഘട്ടത്തില് ഖര ഇന്ധനം നിറയ്ക്കുന്നതിനിടയില് ഇന്ധന സംവിധാനത്തില് ഉണ്ടായ ചോര്ച്ചയാണ് വിക്ഷേപണം നിര്ത്തിവെയ്ക്കാന് കാരണമെന്ന് ഐഎസ്ആര്ഒ ചെയര്മാന് ഡോ. രാധാകൃഷ്ണന് മാധ്യമങ്ങളോട് പറഞ്ഞു.
വിക്ഷേപണത്തിന് തയാറായി നിന്നിരുന്ന ജിഎസ്എല്വിയില് നിറച്ചിരുന്ന ഇന്ധനം അടിയന്തിരമായി നീക്കം ചെയ്യാന് ഒരു സംഘത്തെ നിയോഗിച്ചിട്ടുണ്ട്. ഇന്ധനം നീക്കം ചെയ്ത ശേഷം ചോര്ച്ചയ്ക്കുള്ള കാരണം കണ്ടു പിടിയ്ക്കുന്നതിനായി പരിശോധന നടത്തും. നിലവില് നിര്ത്തി വെച്ചിരിക്കുന്ന വിക്ഷേപണത്തിന്റെ
മൂന്നു ഘട്ടമായിട്ടായിരുന്നു ജിഎസ്എല്വിയുടെ വിക്ഷേപണം ക്രമീകരിച്ചിരുന്നത്. ഇതിന്റെ രണ്ടാം ഘട്ടം എത്തിയപ്പോഴായിരുന്നു ഇന്ധന സംവിധാനത്തില് ചോര്ച്ച ഉണ്ടായത്.
അത്യാധുനിക വാര്ത്താവിനിമയ ഉപഗ്രഹമായ ജിസാറ്റ് 14 മായിട്ടായിരുന്നു ജി.എസ്.എല്.വി ഡി5ന്റെ വിക്ഷേപണം ക്രമീകരിച്ചിരുന്നത്.
ഇന്ത്യ സ്വയം വികസിപ്പിച്ചെടുത്ത ക്രയോജനിക് സാങ്കേതികവിദ്യയാണ് ഇതില് ഉപയോഗിച്ചിരിക്കുന്നത്. ഭ്രമണപഥത്തില് എത്തുന്നതോടെ വാര്ത്താവിനിമയ രംഗത്ത് വന്കുതിച്ചുചാട്ടം തന്നെ രാജ്യത്തിന് പ്രതീക്ഷിക്കാമായിരുന്ന ജി സാറ്റ് 14ന്റെ മുന്നോട്ടുള്ള കുതിപ്പ് അനിശ്ചിതത്വത്തിലായിരിക്കുകയാണ്.
https://www.facebook.com/Malayalivartha