താജ്മഹല് തന്നെ അതിശയിപ്പിച്ചുവെന്ന് സുക്കര്ബര്ഗ്
താജ്മഹല് തന്നെ അതിശയിപ്പിച്ചുവെന്ന് സുക്കര്ബര്ഗ്. ഏറെ നാളത്തെ ആഗ്രഹമായിരുന്നു താജ്മഹല് കാണുക എന്നത്. അതിപ്പോള് സഫലമായി. അതില് എനിക്ക് വളരെയധികം സന്തോഷമുണ്ടെന്നും സുക്കര്ബര്ഗ് പറഞ്ഞു. താന് ഒട്ടും പ്രതീക്ഷിച്ചിരുന്നില്ല. താജ്മഹല് ഇത്രയും അധികം ഭംഗിയുണ്ടെന്ന്. താന് വിചാരിച്ചതിനേക്കാള് അതിമനോഹരമാണ് താജ്മഹലെന്നും സുക്കര്ബര്ഗ് പറഞ്ഞു.
മനുഷ്യര്ക്ക് ഇങ്ങനെയൊക്കെ കെട്ടിപ്പൊക്കാനാവുമെന്നത് അവിശ്വസനീയമെന്നാണ് സക്കര്ബര്ഗ് തന്റെ ഫെയ്സ്ബുക്ക് പോസ്റ്റില് എഴുതിയത്. ഇന്നലെ വൈകീട്ടാണ് അദ്ദേഹം താജ്മഹല് കാണാനെത്തിയത്.
എന്തും ചെയ്യാനുള്ള പ്രചോദനം സ്നേഹം നല്കും. താജ്മഹല് കാണാനുള്ള ആഗ്രഹം മുമ്പേയുണ്ടായിരുന്നെന്നും മാര്ക് കുറിക്കുന്നു. നിര്വ്യാജമായ സ്നേഹം പരത്താന് ഫെയ്സ്ബുക്കിനു വലിയ തോതില് കഴിഞ്ഞിട്ടുണ്ടെന്ന് സക്കര്ബര്ഗിനുള്ള സ്നേഹസന്ദേശത്തില് താജ്മഹല് അക്കൗണ്ടില്നിന്ന് ഫെയ്സ്ബുക്കില് പോസ്റ്റു വന്നതും കൗതുകകരമായി.
ചൈനയിലെ പ്രാചീന നഗരമായ സിയാന് സന്ദര്ശിച്ച ശേഷമാണ് സക്കര്ബര്ഗ് ഇന്ത്യയിലെത്തിയത്. ഇന്ന് ഡല്ഹി ഐ.ഐ.ടിയിലെ വിദ്യാര്ത്ഥികളുമായി അദ്ദേഹം സംവാദം നടത്തുകയും ചെയ്തു. സക്കര്ബര്ഗിന്റെ താജ്മഹല് പോസ്റ്റ് ഇതിനകം നിരവധി പേര് ഷെയര് ചെയ്തു കഴിഞ്ഞു.
ഇന്റര്നെറ്റ് മൗലികാവകാശമാണെന്ന് ഫെയ്സ്ബുക്ക് സി.ഇ.ഒ മാര്ക്ക് സുക്കര്ബര്ഗ് പറഞ്ഞു. ഇന്ത്യയില് 243 മില്യന് ആളുകള് ഇന്റര്നെറ്റ് ഉപയോഗിക്കുന്നു. 100 മില്യനിലധികം പേര് ഫെയ്സ്ബുക്ക് ഉപയോഗിക്കുന്നവരാണ്. എന്നാല് ഇന്ത്യയിലെ ഒരു ബില്യണിലധികം പേര്ക്ക് ഇപ്പോഴും ഇന്റര്നെറ്റ് ലഭ്യമല്ലെന്ന് സുക്കര്ബര്ഗ് പറഞ്ഞു. അതുകൊണ്ട് തന്നെ എല്ലാവര്ക്കും ഇന്റര്നെറ്റ് ലഭ്യമാക്കുക എന്നതാണ് ലക്ഷ്യമെന്നും സുക്കര്ബര്ഗ് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
