സക്കര്ബര്ഗിനെ ചോദ്യങ്ങള് ചോദിച്ച് വെള്ളംകുടിപ്പിച്ച് ഡല്ഹി ഐഐടിയിലെ വിദ്യാര്ഥികള്, ഇത് താന് പ്രതീക്ഷിച്ചതാണെന്ന് ഫേസ്ബുക്ക് സ്ഥാപകന്
ഇത് ഞാന് പ്രതീക്ഷിച്ചതാണ്. ഇന്ത്യയിലേക്ക് വരുബോള് നിങ്ങളുടെ ചോദ്യങ്ങളെ എങ്ങനെ നേരിടണമെന്നതിനെക്കുറിച്ചായിരുന്നു എന്റെ ചിന്ത. പക്ഷേ എന്റെ ഹോംവര്ക്കിന്റെയും അപ്പുറത്താണ് നിങ്ങള്. എനിക്കത് സമ്മതിക്കേണ്ടി വരും. ഇന്ത്യാ സന്ദര്ശനത്തിന്റെ ഭാഗമായി ഡല്ഹിഐ ഐടിയിലെത്തിയ ഫേസ്ബുക്ക് സ്ഥാപകന് മാര്ക്ക് സക്കര്ബര്ഗിന്റെ വാക്കുകളാണിത്. വിദ്യാര്ഥികളുമായിട്ടുള്ള സംവാദം താനിഷ്ടപ്പെടുന്ന ഒന്നാണെന്നും അത് തന്റെ ക്രിയേറ്റിവിറ്റിക്ക് കൂടുതല് ഉപകാരപ്പെടുമെന്നും പറഞ്ഞ ലോകത്തിലെ ഏറ്റവും ചെറുപ്പക്കരാരനായ കോടീശ്വന് എന്നാല് ഐഐടി വിദ്യാര്ഥികളുടെ ചോദ്യങ്ങള്ക്കുമുന്നില് പതറിപ്പോയി.![\"\"](\"/userfiles/MarkZuckerberg_Townhall_main.jpg\")
ഇന്റര്നെറ്റ് സമത്വത്തെ കുറിച്ചുള്ള ചോദ്യങ്ങള്ക്കാണ് സക്കര്ബബര്ഗ് കൂടുതലായും വിയര്ത്തത്. ഇന്റപര്നെറ്റ് യൂസ് ചെയ്യുന്നവരേക്കാള് ഇല്ലാത്തവരെക്കുറിച്ചാണ് തന്റെ ചിന്തയെന്ന് പറഞ്ഞ് ഒരുവിധം ഒഴിഞ്ഞ് മാറാനെ മാര്ക്കിന് കഴിഞ്ഞുള്ളു. ഇന്റര്നെറ്റ് ഡോട് ഓര്ഗ് സ്വതന്ത്ര ഇന്റര്നെറ്റ് തത്വങ്ങള്ക്കെതിരാണെന്ന വിമര്ശനവും വിദ്യാര്ഥികള് ഉന്നയിച്ചു. \'ഇന്റര്നെറ്റ് ഡോട് ഓര്ഗ് നൂറുശതമാനം നെറ്റ് സമത്വത്തെ പിന്തുണയ്ക്കുന്നു. അതേസമയം ഇന്റര്നെറ്റ് സൗകര്യം വ്യാപകമാക്കാനുള്ള ശ്രമങ്ങള് ഊര്ജിതമാക്കാനും ഞങ്ങള് ശ്രമിക്കുന്നുവെന്നും ഫേസ് ബുക്ക് സ്ഥാപകന് പറഞ്ഞു.\' രണ്ടാം തവണയാണു മാര്ക്ക് സര്ക്കര്ബര്ഗ് ഇന്ത്യ സന്ദര്ശിക്കുന്നത്. ഇന്റര്നെറ്റ് സൗകര്യം വ്യാപകമാക്കുക വന് ചെലവുവരുന്ന പദ്ധതിയാണെന്ന് മാര്ക്ക് ചൂണ്ടിക്കാട്ടി. ഇതിനായി ശതകോടികളാണ് ഇന്റര്നെറ്റ് സേവനദാതാക്കള് പ്രതിവര്ഷം ചെലവഴിക്കുന്നത്.![\"\"](\"/userfiles/2DE3538000000578-3294002-image-a-1_1446073513677.jpg\")
ഈ സാഹചര്യത്തില് സൗജന്യ ഇന്റര്നെറ്റ് സേവനം നല്കാനാണു ഫെയ്സ്ബുക്ക് ഫ്രീ ബേസിക്സ് (ഇന്റര്നെറ്റ് ഡോട് ഓര്ഗ്) പദ്ധതിയിലൂടെ ഉദ്ദേശിക്കുന്നത്. ഇതുപ്രകാരം സേവനദാതാക്കളായ ഏതു സംരംഭകര്ക്കും ഇന്റര്നെറ്റ് സൗജന്യമായി നല്കാനാകും സീറോ റേറ്റിങ് പദ്ധതിയെ ന്യായീകരിച്ചു സക്കര്ബര്ഗ് പറഞ്ഞു.ഇന്റര്നെറ്റ് ഡോട് ഓര്ഗ് 24 രാജ്യങ്ങളില് സജീവമാണെന്നും 1.5 കോടിയോളം പേര് ഉപയോഗിക്കുന്നതായും സക്കര്ബര്ഗ് പറഞ്ഞു. ഇന്ത്യയിലും 10 ലക്ഷത്തോളം പേര് അത് ഉപയോഗിക്കുന്നു. അമേരിക്ക കഴിഞ്ഞാല് ഏറ്റവും കൂടുതല് പേര് ഫെയ്സ്ബുക്ക് ഉപയോഗിക്കുന്നതും ഇന്ത്യയിലാണ്. 13 കോടിയാണ് ഇന്ത്യയിലെ ഫെയ്സ്ബുക്ക് അംഗങ്ങള്. ഇന്റര്നെറ്റ് സമത്വത്തിനു തന്റെ കമ്പനി പ്രതിജ്ഞാബദ്ധമാണെന്നു എന്നാല്, സീറോ റേറ്റിങ് പദ്ധതികളെ പിന്തുണയ്ക്കുന്നതായും അദ്ദേഹം പറഞ്ഞു.![\"\"](\"/userfiles/mark-zuckerberg.jpg\")
\'നെറ്റ് സമത്വം സുപ്രധാനമായ തത്വമാണ്. ഫെയ്സ്ബുക്ക് അതിനെ പിന്തുണയ്ക്കുന്നു. ഇന്റര്നെറ്റില് പുതിയ സംരംഭകര്ക്കു മറ്റു പരിഗണനകളില്ലാതെ ഞങ്ങള് അവസരങ്ങളും നല്കുന്നു.\'ആറു ഭീമന് കമ്പനികളുടെ ഇന്റര്നെറ്റ് സേവനങ്ങളെ ഒരു പ്രതലത്തില് കൊണ്ടുവരുന്ന ഫെയ്സ്ബുക്ക് സംരംഭമായ ഐഐടിയിലെ ചോദ്യോത്തര പരിപാടിയില് ആയിരത്തിലേറെ വിദ്യാര്ഥികള് പങ്കെടുത്തു. കഴിഞ്ഞദിവസം താജ്മഹല് സന്ദര്ശിച്ച അദ്ദേഹം ഇന്നലെ ഇന്ത്യാ ഗേറ്റില് പ്രഭാതസവാരിക്കും പോയി.![\"\"](\"/userfiles/BN-KZ027_imark2_G_20151028004608.jpg\")
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
