ഇപ്പോല്‍ ഡല്‍ഹിയിലെ ശ്രദ്ധാകേന്ദ്രം കേരളാഹൗസാണ്. പശുവിറച്ചി വിളമ്പിയെന്ന പരാതിയിന്‍മേല്‍ പോലീസ് റെയ്ഡ് ചെയ്തതോട് കൂടി ദേശീയശ്രദ്ധ നേടിയിരിക്കുകയാണ് കേരളാ ഹൗസ്. എല്ലാ പ്രതിഷേധങ്ങളെയും മറികടന്നുകൊണ്ട് ഇന്നലെ കേരളാ ഹൗസില്‍ വീണ്ടും ബീഫ് വിളമ്പി. വരട്ടിയ ബീഫ് കഴിക്കാന്‍ നിരവധി ആളുകളാണ് എത്തുന്നത്. ഇന്നലെ ഉണ്ടാക്കിയ ബീഫ് 20 മിന്നിട്ടില്‍ തീര്‍ന്നു. കേരളാ ഹൗസിലെ റെയ്ഡില്‍ പ്രതിഷേധിച്ച് വിദ്യാര്‍ഥികളും, വിവിധ സംഘടനകളും, പൊതുജനങ്ങളും പിന്തുണയറിച്ച് വന്നുകൊണ്ടിരിക്കുകയാണ്.
ഹിന്ദുസേന പ്രവര്‍ത്തകരുടെ പരാതിയെ തുടര്‍ന്ന് കേരള ഹൗസിന്റെ അടുക്കളയില്‍ കയറി ഡല്‍ഹി പൊലീസ് റെയ്ഡ് നടത്തിയത് വന്‍ പ്രതിഷേധത്തിനിടയാക്കിയിരുന്നു. ഒരു ദിവസത്തേക്ക് ബീഫ് വിഭവങ്ങള്‍ നല്‍കുന്നത് നിര്‍ത്തിവെച്ചിരുന്നുവെങ്കിലും പ്രതിഷേധത്തെ തുടര്‍ന്ന് വീണ്ടും വിളമ്പുകയായിരുന്നു. 20 കിലോ ബീഫ് ആണ് കേരള ഹൗസില്‍ ഇന്നത്തേക്ക് ഓര്‍ഡര്‍ ചെയ്തിരിക്കുന്നത്.
ഇന്നലെ ബീഫ് കഴിച്ചേ തീരു എന്ന് കൊതിച്ച് എത്തിയ പലരും ബീഫ് തീര്‍ന്നെന്ന് അറിയിപ്പ് വേദനയോടെ കേട്ട് മടങ്ങി. പരിശോധനയെ തുടര്‍ന്ന് പട്ടികയില്‍ നിന്ന് ഒഴിവാക്കിയ ബിഫ് വിഭവങ്ങള്‍ ഇന്നലെമുതല്‍ വീണ്ടും പുനസ്ഥാപിക്കുകയായിരുന്നു.നേരത്തേ ബീഫ് എന്ന് മലയാളത്തില്‍ എഴുതിയിരുന്നത് ഇന്നലെ മീറ്റ് ഫ്രൈ,മീറ്റ് കറി എന്ന് ഇംഗ്ലീഷിലാക്കി. ബ്രാക്കറ്റില്‍ ബഫല്ലോ(പോത്ത്) എന്നും എഴുതിച്ചേര്‍ത്തു.
ഇന്നലെ 12.45 മുതല്‍ 1.10 വരെയുള്ള സമയത്ത് 150 പേര്‍ക്ക് കഴിക്കാനുള്ള ബീഫും തീരുകയായിരുന്നു.
സമൃദ്ധി എന്ന പേരിലെ താന്റീനില്‍ സാധാരണ കേന്ദ്രസര്‍ക്കാര്‍ ജീവനക്കാരാണ് കൂടുതലായി എത്തുന്നത്. എന്നാല്‍ റെയ്ഡ് ദേശീയ മാധ്യമങ്ങളിലടക്കം വാര്‍ത്തയായതോടെ ചെറുപ്പക്കാര്‍ തിക്കി തിരക്കുകയായിരുന്നു. സാധാരണ ദിവസങ്ങളില്‍ വളരെ കുറച്ചാണ് ഓര്‍ഡര്‍ ചെയ്യുന്നത്. വിവാദമായതോടെ കൂടുതല്‍ ആളുകള്‍ കഴിക്കാനെത്തുന്നതുകൊണ്ടും 20 കിലോ പോത്തിറച്ചിക്ക് ഓഡര്‍ ചെയ്യുകയായിരുന്നു അധികൃതര്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha