മുഖ്യമന്ത്രി ജയലളിതയെ പരിഹസിച്ച് പാട്ടെഴുതിയതിന് ആ നാടന്‍ പാ്ട്ട് കലാകാരന്‍ പ്രതീക്ഷിച്ചു കാണില്ല. താന്‍ ഇത്രയും പെട്ടെന്ന് അറസ്റ്റിലാകുമെന്ന്. ജയലളിതയെ പരിഹസിച്ച് പാട്ടെഴുതിയതിന് ചെന്നൈയില്‍ നാടന്‍ പാട്ട് കലാകാരനായ കോവന്‍ എന്ന എസ്. ശിവദാസിനെയാണ് അറസ്റ്റ് ചെയ്തതു. ജയലളിതയെ കളിയാക്കുന്ന വരികള്‍ പാട്ടില്‍ ഉള്ളതിനെ തുടര്‍ന്നാണ് ഇയാളെ അറസ്റ്റ് ചെയ്തതു. മക്കള്‍ കലൈ ഇലക്കിയ കഴകം എന്ന സംഘടനയിലെ അംഗമാണ് ഇയാളെന്നാണ് പോലീസ് പറയുന്നത്. പുലര്‍ച്ചെ രണ്ട് മണിയോടെയാണ് ഇയാളെ അറസ്റ്റ് ചെയ്തതു.
സര്‍ക്കാര്‍ നിയന്ത്രണത്തിലുള്ള മദ്യശാലകള്‍ അടയക്കണമെന്ന ആവശ്യവും ഒപ്പം ജയയെ പരിഹസിക്കുന്ന ചില പരാര്‍ശങ്ങളുമാണ് കോവന്‍ തന്റെ പാട്ടിള്‍ ഉള്‍പ്പെടുത്തിയിരുന്നത്. ഈ വരികള്‍ ഉള്‍പ്പെടുന്ന കോവന്റെ \'ഉര്‍ക്കൂ ഉര്‍ക്കൂ സാരായം\' എന്ന ആല്‍ബം ഇന്റര്‍നെറ്റില്‍ കഴിഞ്ഞ ദിവസങ്ങളില്‍ അപ്‌ലോഡ് ചെയ്തിരുന്നു. നിരവധി പേരാണ് ഈ ആല്‍ബം കണ്ട് കഴിഞ്ഞിരിക്കുന്നത്.
സര്‍ക്കാര്‍ മദ്യവില്‍പന ശാലയായ ടാസ്മാക് അടച്ചു പൂട്ടാനുള്ള ആഹ്വാനം പോലും നിയമവിരുദ്ധമാണെന്നു പൊലീസ് പറയുന്നു. ചില തമിഴ് വെബ്‌സൈറ്റുകളില്‍ അപ്‌ലോഡ് ചെയ്ത വിഡിയോ വാട്‌സാപ്പിലും ഫേസ്ബുക്കിലും വൈറല്‍ ആയി. \'ഊരുക്ക് ഒരു സാരായം\' എന്നു തുടങ്ങുന്ന പാട്ടില്‍ ജനങ്ങള്‍ മദ്യത്തില്‍ മുങ്ങിമരിക്കുമ്പോള്‍ മുഖ്യമന്ത്രി പോയസ് ഗാര്‍ഡനില്‍ സന്തോഷിക്കുകയാണെന്നു ആല്‍ബത്തിലൂടെ ഇയാള്‍ ജയലളിതയെ കുറ്റപ്പെടുത്തുന്നത്.

രാജ്യദ്രോഹ കുറ്റം ചുമത്തിയാണ് കോവനെ അറസ്റ്റു ചെയ്തിരിക്കുന്നത്. മുഖ്യമന്ത്രിക്കും സര്‍ക്കാരിനും അപകീര്‍ത്തികരമായ പാട്ട് ഇന്റര്‍നെറ്റില്‍ അപ്‌ലോഡ് ചെയ്‌തെന്ന കുറ്റമാണ് ആരോപിച്ചിരിക്കുന്നത്. എഗ്മൂര്‍ മജിസ്‌ട്രേട്ട് കോടതിയില്‍ ഹാജരാക്കിയ കോവനെ ആറാം തീയതിവരെ ജുഡീഷ്യല്‍ കസ്റ്റഡിയില്‍ റിമാന്‍ഡ് ചെയ്തു. അതേസമയം, കോവനെ നേരില്‍ കാണുന്നതിന് അദ്ദേഹത്തിന്റെ അഭിഭാഷകനെ പൊലീസ് അനുവദിക്കുന്നില്ലെന്ന ആരോപണവും ഉയരുന്നുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha