പാന്റിന്റെ പോക്കറ്റില്‍ കിടന്ന മൊബൈല്‍ ഫോണ്‍ പൊട്ടിത്തെറിച്ച് യുവാവിന് ഗുരുതരമായി പൊള്ളലേറ്റു. ഇന്ത്യന്‍ കമ്പനിയായ മൈക്രോമാക്‌സിന്റെ ക്യാന്‍വാസ് മോഡല്‍ മൊബൈലാണ് പൊട്ടിത്തെറിച്ചത്. മധ്യപ്രദേശിലെ ഛത്തര്‍പുര്‍ ജില്ലയില്‍ നടന്ന സംഭവത്തില്‍ യുവാവിനെ ഗുരുതര പരിക്കുകളോടെ ആശുപത്രിയില്‍ പ്രവേശിപ്പിച്ചു.
പന്നാ ടൈഗര്‍ റിസര്‍വില്‍ ദിവസ വേതനത്തിന് ജോലിനോക്കുന്ന റാമ്പറൂസ് റെയിക്കാര്‍(41) എന്നയാള്‍ക്കാണ് പരിക്കേറ്റത്. അപകടമുണ്ടാകുമ്പോള്‍ റെയിക്കാര്‍ മൊബൈല്‍ ഫോണ്‍ പാന്റിന്റെ വലത് പോക്കറ്റിലാണ് സൂക്ഷിച്ചിരുന്നത്.
ജോലിചെയ്യുന്നതിന് ഇടയില്‍ ഉച്ചയോടെയാണ് റെയിക്കാറിന്റെ മൊബൈല്‍ പൊട്ടിത്തെറിച്ചത്. അപകടത്തില്‍ യുവാവിന്റെ പാന്റിന് തീപിടിക്കുകയും തുടയില്‍ മാരകമായി പൊള്ളലേല്‍ക്കുകയും ചെയ്തു. അപകടമുണ്ടായ ഉടന്‍ പാന്റ വലിച്ചൂരാന്‍ യുവാവിന് സാധിച്ചത് അപകടത്തിന്റെ തീവ്രത കുറച്ചു.
മൈക്രോമാക്‌സ് ക്യാന്‍വാസ് എ110 മോഡല്‍ മൊബൈലാണ് പൊട്ടിത്തെറിച്ചത്. ഒരുവര്‍ഷം പഴക്കമുള്ള മൊബൈലിന്റെ പ്രവര്‍ത്തന ക്ഷമതയ്ക്ക് മുമ്പ് യാതൊരു പ്രശ്‌നവും സംഭവിച്ചിട്ടില്ലെന്ന് യുവാവ് ആണയിടുന്നു. അപകടമുണ്ടായ ദിവസം ഇയാള്‍ മൊബൈല്‍ അമിതമായി ചാര്‍ജ് ചെയ്യുന്നതിനും ശ്രമിച്ചിരുന്നില്ല. വെറും 75 ശതമാനം വരെയാണ് ഈ ദിവസം യുവാവ് ഫോണ്‍ ചാര്‍ജ് ചെയ്തത്. തുടയില്‍ പൊള്ളലേറ്റതിനാല്‍ നടക്കാന്‍ ബുദ്ധിമുട്ടുന്ന യുവാവ് ആശുപത്രിയില്‍ ചികിത്സയിലാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha