ക്ഷേത്ര പരിസരത്ത് നൃത്തം ചെയ്തു പുലിവാല് പിടിച്ച് യുവതി
സെൽഫി എടുത്തു എടുത്തു വെട്ടിലായി. ക്ഷേത്ര പരിസരത്ത് നിന്ന് നൃത്തം ചെയ്ത് വീഡിയോ സോഷ്യൽ മീഡിയയിൽ പങ്കുവെച്ച് പുലിവാല് പിടിച്ച് യുവതി. മദ്ധ്യപ്രദേശ് സ്വദേശിയായ നേഹയാണ് വീഡിയോ ചിത്രീകരിച്ച് സോഷ്യൽ മീഡിയയിൽ പങ്കുവെച്ചത്. നേഹയ്ക്കെതിരെ എഫ്ഐആർ രജിസ്റ്റർ ചെയ്യുമെന്ന് മദ്ധ്യപ്രദേശ് ആഭ്യന്തരമന്ത്രി നരോത്തം മിശ്ര പറഞ്ഞു.
ഇൻസ്റ്റഗ്രാമിൽ നാല് ലക്ഷത്തിലധികം ഫോളോവേഴ്സാണ് യുവതിക്കുള്ളത്. നേഹയുടെ വസ്ത്രം രീതിയും വീഡിയോ ചിത്രീകരിച്ചതും പ്രതിഷേധാർഹമാണെന്ന് നരോത്തം മിശ്ര പറഞ്ഞു. ഇത്തരം സംഭവങ്ങളെ താൻ നേരത്തെ എതിർക്കുകയും ഇത്തരം കേസുകളിൽ എഫ്ഐആർ രജിസ്റ്റർ ചെയ്യുമെന്നും പറഞ്ഞിരുന്നു. മുന്നറിയിപ്പ് നൽകിയിട്ടും അവരിത് ചെയ്തുവെന്ന് മിശ്ര മാധ്യമപ്രവർത്തകരോട് പറഞ്ഞു.
അവർക്കെതിരെ എഫ്ഐആർ ഫയൽ ചെയ്യാൻ ഛത്തർപൂർ പോലീസ് സൂപ്രണ്ടിനോട് നിർദ്ദേശിച്ചതായും മന്ത്രി പറഞ്ഞു. ബജ്റംഗ്ദൾ പ്രവർത്തകരുടെ എതിർപ്പിനെത്തുടർന്ന് യുവതി ഡാൻസ് റീൽ ഡിലീറ്റ് ചെയ്യുകയും 'മതവികാരം വ്രണപ്പെടുത്തിയതിന്' മാപ്പ് ചോദിച്ച് പുതിയ വീഡിയോ അപ്ലോഡ് ചെയ്യുകയും ചെയ്തിരുന്നു.
https://www.facebook.com/Malayalivartha