പ്രതിപക്ഷത്തിന് അക്ഷരാർത്ഥത്തിൽ കനത്ത പ്രഹരമേൽപിച്ചിരിക്കുകയാണ് കേന്ദ്ര സർക്കാർ. സുപ്രധാന പാർലമെൻറി സമിതികളുടെ അധ്യക്ഷ സ്ഥാനത്ത് നിന്ന് പ്രതിപക്ഷത്തെ പുറത്താക്കി കൊണ്ടുള്ള തീരുമാനം എടുത്തിരിക്കുകയാണ് കേന്ദ്രസർക്കാർ. ഐടി, ആഭ്യന്തരം, ധനം, പ്രതിരോധം, വിദേശകാര്യ സമിതികളുടെ അധ്യക്ഷ സ്ഥാനത്ത് നിന്നുമാണ് പ്രതിപക്ഷ നേതാക്കളെ കേന്ദ്രസർക്കാർ മാറ്റിയിരിക്കുന്നത്. ഇവരെ മാറ്റി പുതിയ പരിഷ്കാരങ്ങൾക്ക് തുടക്കമിട്ടിരിക്കുകയാണ് കേന്ദ്ര സർക്കാർ. കേന്ദ്ര സർക്കാരിന്റെ ഈയൊരു തീരുമാനം പ്രതിപക്ഷ രാഷ്ട്രീയ നേതാക്കൾക്ക് കനത്ത തിരിച്ചടിയായിരിക്കുകയാണ്.

ഇന്നലെ വൈകുന്നേരത്തോടെയായിരുന്നു ഇത് സംബന്ധിച്ച ഉത്തരവുകൾ പുറത്ത് വിട്ടത്. ഈ തീരുമാനം വന്നതോടെ കോൺഗ്രസിന് ഒരു പാർലമെന്ററി സമിതിയുടെ മാത്രം അധ്യക്ഷ പദമാണ് നിലവിൽ വഹിക്കേണ്ടി വരുന്നത് . പ്രതിപക്ഷത്തെ രണ്ടാമത്തെ വലിയ പാർട്ടിയായ തൃണമൂൽ കോൺഗ്രസിന് ഒരു പാർലമെന്ററി സമിതിയുടെയും അധ്യക്ഷ പദമില്ലാത്ത അവസ്ഥയിലാക്കിയിരിക്കുകയാണ് കേന്ദ്ര സർക്കാർ. അപ്രതീക്ഷിത തീരുമാനത്തിൽ പ്രതികരണവുമായി പ്രതിപക്ഷ നേതാക്കൾ രംഗത്ത് വന്നരിക്കുകയാണ്. ഏകാധിപത്യ കാലത്ത് പ്രതീക്ഷിച്ച നടപടിയെന്ന് തൃണമൂൽ കോൺഗ്രസ് വിമർശിച്ചു.

മാത്രമല്ല ആഭ്യന്തര കാര്യ പാർലമെന്ററി സമിതിയുടെ അധ്യക്ഷ സ്ഥാനത്ത് നിന്ന് കോൺഗ്രസ് എംപി മനു അഭിഷേക് സിങ്വിയെ മാറ്റിയിരിക്കുകയാണ്. പകരം ആ സ്ഥാനത്തേക്ക് ബിജെപി എംപിയും റിട്ടയേർഡ് ഐപിഎസ് ഓഫീസറുമായ ബ്രിജ് ലാലിനെ നിയമിക്കുകയും ചെയ്തു . ഈ സമിതിയുടെ തലപ്പത്ത് നേരത്തെ ഉണ്ടായിരുന്നത് കോൺഗ്രസിലെ ആനന്ദ് ശർമ്മയായിരുന്നു.

കോൺഗ്രസ് അധ്യക്ഷ സ്ഥാനത്തേക്ക് മത്സരിക്കുന്ന ശശി തരൂരായിരുന്നു ഐടി കാര്യ പാർലമെന്ററി സമിതിയുടെ അധ്യക്ഷനായിരുന്നത് . ഇദ്ദേഹത്തെ മാറ്റി മഹാരാഷ്ട്രയിലെ ഏക്നാഥ് ഷിന്റേയുടെ നേതൃത്വത്തിലുള്ള ശിവസേനയിലെ അംഗമായ പ്രതാപ്‌റാവു ജാദവിനെ നിയമിക്കുകയായിരുന്നു. എന്തായാലും കേന്ദ്ര സർക്കാരിന്റെ ഈയൊരു തീരുമാനം കനത്ത തിരിച്ചടി കൊടുത്തിരിക്കുകയാണ് പ്രതിപക്ഷത്തിന്.