പാക്ക് ഹാക്കര്മാര് ഇന്ത്യന് സൈനികരുടെ മൊബൈല് ചോര്ത്തി
പാക്കിസ്ഥാന് ആസ്ഥാനമായുള്ള ഹാക്കര്മാരുടെ സംഘം ഇന്ത്യന് സൈനിക ഉദ്യോഗസ്ഥരുടെ മൊബൈല് ഫോണുകളില് നിന്നുള്ള വിവരങ്ങള് മൂന്നുവര്ഷമായി ചോര്ത്തി വന്നിരുന്നതായി റിപ്പോര്ട്ട്.
ആയിരക്കണക്കിനു മൊബൈല് ഫോണുകളില്നിന്നുള്ള വിളികള്, എസ്എംഎസുകള്, ഫോട്ടോകള്, വിഡിയോ ദൃശ്യങ്ങള് എന്നിവയാണ് ചോര്ത്തിയിരുന്നത്.
പ്രതിരോധ വാര്ത്തകള് നല്കുന്ന ചില വെബ്സൈറ്റുകളും മറ്റു ചില ആപ്പുകളും ഇന്സ്റ്റാള് ചെയ്ത ഉദ്യോഗസ്ഥരുടെ മൊബൈല് ഫോണുകളില്നിന്നാണ് വിവരങ്ങള് ചോര്ന്നിരുന്നത്. വിവരങ്ങള് ചോര്ത്താനുള്ള സോഫ്റ്റ്വെയര് കൂടി ഉള്ളവയായിരുന്നു ഈ വെബ്സൈറ്റുകളും ആപ്പുകളും.
മുംബൈയില് പാക്ക് ഭീകരര് നടത്തിയ ആക്രണത്തിനുശേഷം ഇന്ത്യന് ഇന്ഫോസെക് കണ്സോര്ഷ്യം എന്ന പേരില് സംഘടിച്ച എത്തിക്കല് ഹാക്കര്മാരടങ്ങിയ ടീം ആണ് ഇക്കാര്യം കണ്ടെത്തി ഐടി വകുപ്പിനെ ആറുമാസം മുന്പ് അറിയിച്ചത്. ഐടി വകുപ്പ് ഉടന് നടപടിയെടുക്കുകയും പാക്ക് ചോര്ത്തല് തടയുകയും ചെയ്തു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
