ഹെലികോപ്ടര് തകര്ന്ന് മലയാളി ഉള്പ്പെടെ രണ്ട് പൈലറ്റുമാരെ കാണാതായി
05 NOVEMBER 2015 12:16 PM IST
മലയാളി വാര്ത്ത.
ദക്ഷിണ മുംബൈയില്നിന്ന് 80 നോട്ടിക്കല് മൈല് അകലെ ഹെലികോപ്ടര് തകര്ന്ന് മലയാളി ഉള്പ്പെടെ രണ്ട് പൈലറ്റുമാരെ കാണാതായി. പവന്ഹാന്സ് കമ്പനിയുടെ ഹെലികോപ്ടറാണ് പരിശീലനത്തിനിടെ അപകടത്തില്പെട്ടത്. പത്തനംതിട്ട കുറിയന്നൂര് സ്വദേശി ഈശ്വര് സാമുവല്, ടി.കെ. ഗുഹ എന്നിവരെയാണ് കാണാതായത്. ഇവര്ക്കായി നാവികസേന തിരച്ചില് നടത്തുന്നു. ബുധനാഴ്ച വൈകീട്ട് ഏഴരയോടെയാണ് അപകടമുണ്ടായതെന്ന് നാവികസേന വാര്ത്താക്കുറിപ്പില് അറിയിച്ചു.
രാത്രി ഹെലികോപ്ടര് ലാന്ഡ് ചെയ്യുന്നത് പരിശീലിക്കുന്നതിനിടെയായിരുന്നു അപകടം. ലാന്ഡിങ്ങിനിടെ തകര്ന്നുവീണ ഹെലികോപ്ടര് കടലില് മുങ്ങിയെന്നാണ് നാവികസേന വൃത്തങ്ങള് പറയുന്നത്. രണ്ട് പൈലറ്റുമാരല്ലാതെ മറ്റാരും ഇല്ലെന്നും നാവികസേന അറിയിച്ചു
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
