പ്രാര്ത്ഥനാഭരിതമായ അന്തരീക്ഷത്തില് പ്രധാനമന്ത്രി നരേന്ദ്ര മോദി പുതിയ പാര്ലമെന്റ് മന്ദിരം രാഷ്ട്രത്തിന് സമര്പ്പിച്ചു.... സ്വാതന്ത്ര്യത്തിന്റെയും അധികാരത്തിന്റെയും പ്രതീകമായി മൗണ്ട് ബാറ്റണ്പ്രഭു നെഹ്രുവിന് കൈമാറിയ സ്വര്ണച്ചെങ്കോലിനുമുന്നില് സാഷ്ടാംഗം നമസ്കരിച്ച ശേഷമാണ് പ്രധാനമന്ത്രി പാര്ലമെന്റ് മന്ദിരം രാഷ്ട്രത്തിന് സമര്പ്പിച്ചത്, മതപരമായ ചടങ്ങ് പോലെയാക്കിയെന്ന് മുഖ്യമന്ത്രി പിണറായി വിജയന്
പ്രാര്ത്ഥനാഭരിതമായ അന്തരീക്ഷത്തില് പ്രധാനമന്ത്രി നരേന്ദ്ര മോദി പുതിയ പാര്ലമെന്റ് മന്ദിരം രാഷ്ട്രത്തിന് സമര്പ്പിച്ചു.... സ്വാതന്ത്ര്യത്തിന്റെയും അധികാരത്തിന്റെയും പ്രതീകമായി മൗണ്ട് ബാറ്റണ്പ്രഭു നെഹ്രുവിന് കൈമാറിയ സ്വര്ണച്ചെങ്കോലിനുമുന്നില് സാഷ്ടാംഗം നമസ്കരിച്ച ശേഷമാണ് പ്രധാനമന്ത്രി പാര്ലമെന്റ് മന്ദിരം രാഷ്ട്രത്തിന് സമര്പ്പിച്ചത്, മതപരമായ ചടങ്ങ് പോലെയാക്കിയെന്ന് മുഖ്യമന്ത്രി പിണറായി വിജയന്
ചടങ്ങിനു മുന്നോടിയായി ശൃംഗേരി മഠത്തിലെയടക്കം രാജ്യത്തിന്റെ വിവിധ ഭാഗങ്ങളില് നിന്നുള്ള സന്യാസിമാര് ഗണപതിഹോമവും മറ്റു പൂജകകളും നിര്വഹിക്കുകയുണ്ടായി. സ്വാശ്രയ ഇന്ത്യയുടെ സൂര്യോദയത്തിന് പുതിയ പാര്ലമെന്റ് മന്ദിരം സാക്ഷിയാകുമെന്നും ഏക ഭാരതം ശ്രേഷ്ഠ ഭാരതം എന്ന ആശയത്തിന്റെ പ്രതീകമാണ് പുതിയ മന്ദിരമെന്നും പ്രധാനമന്ത്രി.
2047ല് വികസിത രാജ്യമാകുകയെന്ന ഇന്ത്യയുടെ സ്വപ്നം യാഥാര്ത്ഥ്യമാക്കുമെന്നും രാജ്യത്തിന്റെ വികസനത്തിനാണ് മുഖ്യപരിഗണനയെന്നും ചരിത്രനിമിഷത്തില് നടത്തിയ പ്രസംഗത്തില് വ്യക്തമാക്കി മോദി .
രാവിലെ 7.30ന് പ്രധാനമന്ത്രി മോദി പാര്ലമെന്റ് മന്ദിരത്തിലെത്തിയത് പരമ്പരാഗത വസ്ത്രം ധരിച്ചാണ് . ഗാന്ധി പ്രതിമയ്ക്കു സമീപമായി വേദമന്ത്രങ്ങളുടെ അന്തരീക്ഷത്തില് നടന്ന മഹാഗണപതി ഹോമത്തിലും പൂജകളിലും പ്രധാനമന്ത്രിയും സ്പീക്കറുമടക്കം പങ്കെടുത്തു. പിന്നീട് ചെങ്കോലിന് സമീപമെത്തിയ പ്രധാനമന്ത്രി അതിനു മുന്നില് സാഷ്ടാംഗം പ്രണമിക്കുകയും ചെയ്തു.
തമിഴ്നാട് ശൈവമഠങ്ങളിലെ വൈദികര് നരേന്ദ്ര മോദിക്ക് ചെങ്കോല് കൈമാറുകയും നാദസ്വരത്തിന്റെയും വേദമന്ത്രങ്ങളുടെയും അകമ്പടിയില് ഘോഷയാത്രയായി ചെങ്കോലുമായി പ്രധാനമന്ത്രി പുതിയ ലോക് സഭ ചേംബറിലെത്തി.
9.30 ന് സ്പീക്കറുടെ ചേംബറിന്റെ വലതുവശത്ത് കിഴക്കു പടിഞ്ഞാറ് ദിശയില് നന്ദിശില്പമുള്ള ചെങ്കോല് സ്ഥാപിച്ച് പുഷ്പാര്ച്ചന നടത്തി. തുടര്ന്ന് നിലവിളക്ക് കൊളുത്തി ഭരണഘടനയുടെ പേജിന്റെ മാതൃകയിലുള്ള ഉദ്ഘാടന ഫലകം അനാച്ഛാദനം ചെയ്യുകയും ചെയ്തു. മന്ദിരത്തിന്റെ നിര്മ്മാണത്തില് പങ്കാളികളായ ഝാര്ഖണ്ഡിലെ മര്മു അടക്കം 11 തൊഴിലാളികളെ പ്രധാനമന്ത്രി ഷാളണിയിച്ച് ആദരിക്കുകയുണ്ടായി. ലോക്സഭ സ്പീക്കര്, ക്യാബിനറ്റ് മന്ത്രിമാര്, വിവിധ സംസ്ഥാന മുഖ്യമന്ത്രിമാര് എന്നിവര്ക്കൊപ്പം സര്വ്വമത പ്രാര്ത്ഥനയും നിര്വഹിച്ചു.
അതേസമയം പുതിയ പാര്ലമെന്റിന്റെ ഉദ്ഘാടനം കേന്ദ്രസര്ക്കാര് മതപരമായ ചടങ്ങ് പോലെയാക്കിയെന്ന് മുഖ്യമന്ത്രി പിണറായി വിജയന്. പൊതു വേദിയില് സര്ക്കാര് ഭാഗത്തു നിന്നും ഉണ്ടാകേണ്ട കാര്യമല്ല നടന്നത്. ഇന്ത്യ മതേതര റിപ്പബ്ലിക് ആണ്. മതനിരപേക്ഷത ആണ് അംഗീകരിച്ചിരിക്കുന്നത്.
" f
https://www.facebook.com/Malayalivartha
