കനത്ത മഴ.... ഹിമാചല്‍പ്രദേശില്‍ വീണ്ടും മിന്നല്‍പ്രളയം....നിരവധി വീടുകള്‍ തകര്‍ന്നനിലയില്‍, രക്ഷാപ്രവര്‍ത്തനം തുടരുന്നു....
കുളു, മണാലി എന്നിവിടങ്ങളിലാണ് പ്രളയമുണ്ടായിരിക്കുന്നത്.

നിരവധി വീടുകള്‍ തകരുകയും റോഡുകള്‍ ഒലിച്ചുപോകുകയും ചെയ്തതായി റിപ്പോര്‍ട്ടുകളുണ്ട്. മഹാരാഷ്ട്ര, ഗുജറാത്ത്, ആന്ധ്രാപ്രദേശ്, തെലങ്കാന, ഉത്തരാഖണ്ഡ് എന്നീ സംസ്ഥാനങ്ങളിലും കനത്തമഴ തുടരുകയാണ്.

ഉത്തരാഖണ്ഡിലെ ഗൈര്‍സെയ്ന്‍- കര്‍ണ്‍പ്രയാഗ് ദേശീയ പാതയുടെ ഒരുഭാഗം ഒലിച്ചുപോയി.ബുധനാഴ്ച മണ്ണിടിച്ചില്‍ ഉണ്ടായ മഹാരാഷ്ട്രയിലെ റായിഗഡില്‍ രക്ഷാപ്രവര്‍ത്തനം പുരോഗമിക്കുന്നു. ഇതുവരെ 16 മൃതദേഹങ്ങളാണ് ഇവിടെനിന്നും കണ്ടെത്തിയത്. മരണസംഖ്യ ഉയര്‍ന്നേക്കുമെന്നാണ് സൂചനകളുള്ളത്.