ഭീകര ഫണ്ടിംഗ് കേസിൽ തീഹാർ ജയിലിൽ ജീവപര്യന്തം കഠിനതടവ് അനുഭവിക്കുന്ന കാശ്‌മീരി വിഘടനവാദി നേതാവ് യാസിൻ മാലിക് സ്വന്തം കേസ് വാദിക്കാൻ സുപ്രീംകോടതിയിൽ ഹാജരായതിൽ സുരക്ഷാ വീഴ്ച വിവാദം. യാസിൻ മാലിക് നേരിട്ട് കോടതിയിൽ എത്തിയതിനെ കേന്ദ്ര സർക്കാരും ഗൗരവത്തോടെയാണ് കാണുന്നത്.

ജയിലിൽ നിന്ന് പുറത്തിറക്കാൻ പാടില്ലാത്ത അതീവ സുരക്ഷാ കാറ്റഗറിയിലുള്ള തീവ്രവാദകേസിൽ ശിക്ഷിക്കപ്പെട്ട യാസീൻ മാലിക്കിനെ ജയിൽ ഉദ്യോഗസ്ഥർ അങ്ങേയറ്റം അശ്രദ്ധമായി കോടതിയിൽ കൊണ്ടുവന്നത് സുപ്രീംകോടതിയേയും കേന്ദ്ര സർക്കാരിനെയും അമ്പരപ്പിച്ചു.

പി​ഡി​പി നേ​താ​വും മു​ൻ ജമ്മു കാശ്‌മീർ മുഖ്യമന്ത്രിയുമായ മുഫ്തി മുഹമ്മദ് സയീദിന്റെ മകളുടെ തി​രോ​ധാ​ന​വു​മാ​യി ബ​ന്ധ​പ്പെ​ട്ട കേസിലും,​ നാല് വ്യോമസേനാ ഉദ്യോഗസ്ഥരെ കൊലപ്പെടുത്തിയ കേസിലും വിചാരണയ്‌ക്ക് യാസിൻ മാലികിനെ നേരിട്ട് ഹാജരാക്കണമെന്ന് ജമ്മുവിലെ പ്രത്യേക കോടതി നിർദ്ദേശിച്ചിരുന്നു.

ജ​മ്മു-​കശ്മീ​രി​ലെ പ്ര​ത്യേ​ക കോ​ട​തി വാ​റ​ണ്ടി​നെ​തി​രേ സി​ബി​ഐ ന​ൽ​കി​യ അ​പ്പീ​ലി​ലാ​ണ് യാ​സി​ൻ മാ​ലി​ക്കിനെ സി​ബി​ഐ ഇ​ന്ന​ലെ സു​പ്രീം​കോ​ട​തി​യി​ൽ നേ​രി​ട്ടു ഹാ​ജ​രാ​ക്കി​യ​ത്. ഇതിനെതിരെ മാലിക് സുപ്രീംകോടതിയിൽ നൽകിയ അപ്പീലിന്റെ വാദത്തിനാണ് ഇന്നലെ നേരിട്ട് എത്തിയത്. മാലി​കി​നെ നേ​രി​ട്ടു കശ്മീ​ർ കോ​ട​തി മു​ൻപാ​കെ ഹാ​ജ​രാ​ക്ക​ണ​മെ​ന്നു​ള്ള വാ​റ​ണ്ട് സു​പ്രീം​കോ​ട​തി ഏ​പ്രി​ൽ മൂ​ന്നി​ന് സ്റ്റേ ​ചെ​യ്തി​രു​ന്നു.

എ​ന്നാ​ൽ, കേ​സി​ൽ യാ​സി​ൻ മാ​ലി​ക് നേ​രി​ട്ടു ഹാ​ജ​രാ​ക​ണ​മെ​ന്ന് കോ​ട​തി ആ​വ​ശ്യ​പ്പെ​ട്ടി​രു​ന്നി​ല്ല. ഇ​ന്ന​ലെ ജ​സ്റ്റീ​സ് സൂ​ര്യ​കാ​ന്ത്, ജ​സ്റ്റീ​സ് ദീ​പാ​ങ്ക​ർ ദ​ത്ത എ​ന്നി​വ​ര​ട​ങ്ങി​യ ഡി​വി​ഷ​ൻ ബെ​ഞ്ച് മു​ന്പാ​കെ കേ​സ് വീ​ണ്ടും പ​രി​ഗ​ണ​ന​യ്ക്ക് എ​ത്തി​യി​രു​ന്നു. വാ​ദം കേ​ൾ​ക്കു​ന്ന​തി​ൽ​നി​ന്ന് ജ​സ്റ്റീ​സ് ദ​ത്ത പി​ന്മാ​റി​യ​തി​നാ​ൽ ബെ​ഞ്ച് കേ​സു​മാ​യി മു​ന്നോ​ട്ടു​പോ​യി​ല്ലെ​ങ്കി​ലും മാ​ലി​ക് കോ​ട​തി​യി​ൽ നേ​രി​ട്ടു ഹാ​ജ​രാ​യ​തി​ൽ ജ​ഡ്ജി​മാ​ർ ന​ടു​ക്കം രേ​ഖ​പ്പെ​ടു​ത്തി.

കേ​സി​ൽ കോ​ട​തി​യി​ൽ നേ​രി​ട്ടു ഹാ​ജ​രാ​കു​ന്ന​തി​ന് യാ​സി​ൻ മാ​ലി​ക് താ​ത്പ​ര്യം പ്ര​ക​ടി​പ്പി​ച്ച സാ​ഹ​ച​ര്യ​ത്തി​ലാ​ണ് ജ​യി​ൽ അ​ധി​കൃ​ത​ർ സു​ര​ക്ഷാ ഉ​ദ്യോ​ഗ​സ്ഥ​രു​ടെ അ​ക​ന്പ​ടി​യോ​ടെ മാ​ലി​ക്കിനെ കോ​ട​തി​യി​ൽ എ​ത്തി​ച്ച​ത്. ജസ്റ്റിസ്‌മാരായ സൂര്യകാന്തും,​ ദീപാങ്കർ ദത്തയും അടങ്ങിയ ബെഞ്ച് ഇതിൽ കടുത്ത അതൃപ്തി പ്രകടിപ്പിച്ചു. ഹാജരാക്കാനുളള ഉത്തരവില്ലാതെ എന്തിനാണ് കൊണ്ടുവന്നെന്ന് ചോദിച്ചു.

വാദം കേൾക്കുന്നതിൽ നിന്ന് ജസ്റ്റിസ് ദീപാങ്കർ ദത്ത പിന്മാറുകയും ചെയ്തു. യാസിൻ മാലികിനെ ഭാവിയിൽ വീഡിയോ കോൺഫറൻസ് മുഖേന ഹാജരാക്കിയാൽ മതിയെന്നും സുപ്രീംകോടതി നിർദ്ദേശിച്ചു. അ​തീ​വ സു​ര​ക്ഷാ പ്ര​ശ്ന​ങ്ങ​ൾ ഉ​ള്ള​തി​നാ​ൽ കോ​ട​തി ആ​വ​ശ്യ​പ്പെ​ടാ​ത്ത സാ​ഹ​ച​ര്യ​ത്തി​ൽ മാ​ലി​ക്കിനെ കോ​ട​തി​യി​ൽ ഹാ​ജ​രാ​ക്കേ​ണ്ട​തി​ല്ലെ​ന്നു കോ​ട​തി വ്യ​ക്ത​മാ​ക്കി.

കോടതിയുടെ എതിർ പരാമർശങ്ങളെ തുടർന്ന് യാസിനെ ജയിലിലേക്കു തന്നെ തിരികെ കൊണ്ടുപോയി. കോടതി ഉത്തരവ് തെറ്റായി വ്യാഖ്യാനിച്ച് ജയിൽ അധികൃതർ വരുത്തിയ പിഴവാണെന്ന് അഡീഷണൽ സോളിസിറ്റർ ജനറൽ എസ്. വി. രാജു വിശദീകരിച്ചു. യാസിൻ മാലിക് നേരിട്ട് ഹാജരായത് വൻസുരക്ഷാ വീഴ്ചയാണെന്ന് സോളിസിറ്റർ ജനറൽ തുഷാർ മേത്ത കോടതിയിൽ വ്യക്തമാക്കി.

ഹൈ റിസ്‌ക് കാറ്റഗറി തടവുകാരനാണ്. ഭാവിയിൽ ഇത്തരം സംഭവങ്ങൾ ആവർത്തിക്കില്ലെന്നും കോടതിക്ക് ഉറപ്പ് നൽകി. പിന്നാലെ കേന്ദ്ര ആഭ്യന്തര സെക്രട്ടറി അജയ് ഭല്ലയ്ക്ക് കടുത്ത ഭാഷയിൽ കത്തെഴുതുകയും ചെയ്തു. ഭീകര പ്രവർത്തനത്തിന് ഫണ്ട് ശേഖരിച്ച കേസിലെ പ്രതി മാത്രമല്ല മാലിക്കെന്ന് മേത്ത ചൂണ്ടിക്കാട്ടി. പാകിസ്താനിലെ ഭീകര സംഘടനകളുമായി ഇയാൾക്ക് ബന്ധമുണ്ട്.

കോടതിയിൽ കൊണ്ടുവരവേ യാസിൻ മാലിക് രക്ഷപ്പെടാനോ, കൊല്ലപ്പെടാനോ സാദ്ധ്യതയുണ്ടായിരുന്നെന്നും കത്തിൽ അറിയിച്ചു. അസ്വാഭാവികമായത് എന്തെങ്കിലും സംഭവിച്ചിരുന്നെങ്കിൽ സുപ്രീംകോടതിയുടെ സുരക്ഷ പോലും കുഴപ്പത്തിലാകുമായിരുന്നു. മാലിക് വെള്ളിയാഴ്ച സുപ്രീംകോടതിയിൽ നേരിട്ടെത്തുന്നുവെന്നറിഞ്ഞതോടെ എല്ലാവരും ഞെട്ടിപ്പോയെന്ന് മേത്ത പറഞ്ഞു.

ഈ വിവരം ആഭ്യന്തരസെക്രട്ടറിയെ താൻ വിളിച്ചു പറഞ്ഞപ്പോഴേക്കും മാലിക് സുപ്രീംകോടതിയിൽ എത്തിയിരുന്നു. കേസിൽ ഹാജരാവുന്ന മറ്റേതൊരാൾക്കും നൽകുന്ന നോട്ടീസുമായാണ് മാലിക് വന്നതെന്ന് സുപ്രീംകോടതിയിൽ സുരക്ഷാച്ചുമതലയുണ്ടായിരുന്ന ഉദ്യോഗസ്ഥർ അറിയിച്ചു. ക്രിമിനൽ നടപടി കോഡിന്റെ 268-ാം വകുപ്പുപ്രകാരം ഇതുപോലുള്ള പ്രതികളെ പുറത്തേക്ക്‌ കൊണ്ടുപോകുന്നതിന് വിലക്കുണ്ടെന്നും മേത്ത ചൂണ്ടിക്കാട്ടി.

സംഭവത്തിൽ അന്വേഷണത്തിന് തീഹാർ ജയിൽ ഡയറക്ടർ സഞ്ജയ് ഉത്തരവിട്ടു. കുറ്റക്കാരായ ഉദ്യോഗസ്ഥരെ കണ്ടെത്തണം. മൂന്ന് ദിവസത്തിനകം റിപ്പോർട്ട് സമർപ്പിക്കണം എന്നും പറഞ്ഞിട്ടുണ്ടായിരുന്നു. സംഭവത്തിൽ തിഹാർ ജയിൽ ഉദ്യോഗസ്ഥർക്ക് സസ്പെൻഷൻ. ഡപ്യൂട്ടി സൂപ്രണ്ടന്റ് ഉൾപ്പെടെ നാല് ഉദ്യോഗസ്ഥരെയാണ് സസ്പെൻഡ് ചെയ്തത്.

മാലിക് ഹാജരാവാനെത്തിയ കേസിലെ, റൂബയ്യ ഇപ്പോൾ തമിഴ്‌നാട്ടിലാണ് കഴിയുന്നത്. അന്ന് തട്ടിക്കൊണ്ടുപോകപ്പെട്ട റൂബയ്യയെ അഞ്ചുദിവസത്തിനുശേഷമാണ് മോചിപ്പിച്ചത്. പകരം അഞ്ച് തീവ്രവാദികളെ വിട്ടുനൽകേണ്ടിവന്നു. എൻ.ഐ.എ. അന്വേഷിക്കുന്ന ഭീകരഫണ്ടിങ് കേസിൽ 2019-ലാണ് മാലിക് അറസ്റ്റിലായത്.