ഒരു അദ്ഭുതകരമായ രക്ഷപ്പെടൽ . മൂര്‍ഖന്‍ പാമ്പിനെ കടിച്ചു കൊന്നതിന് പിന്നാലെ ഒരു വയസുകാരന്‍ ബോധം കെട്ടുവീണു. ബിഹാറിലെ വെസ്റ്റ് ചമ്പാരന്‍ ജില്ലയിലെ ബേട്ടിയ ഗ്രാമത്തിലാണ് സംഭവം.ഗോവിന്ദ് കുമാറെന്ന കുരുന്നാണ് മൂര്‍ഖന്‍ പാമ്പിനെ കടിച്ച് കൊന്നത്. ബോധരഹിതനായ കുട്ടിയെ വീട്ടുകാര്‍ ആശുപത്രയില്‍ എത്തിച്ചു. ഇന്നലെ വൈകുന്നേരമാണ് കുട്ടി മൂര്‍ഖനെ കടിച്ച് കൊന്നതെന്നും പിന്നാശെ ശാരീരിക അസ്വസ്ഥതകള്‍ പ്രകടിപ്പിച്ചതോടെ ആശുപത്രിയില്‍ പ്രവേശിപ്പിക്കുകയായിരുന്നുവെന്നും ആശുപത്രി സൂപ്രണ്ട് ദുവകാന്ത് മിശ്രപറയുന്നു.

വീടിനുള്ളില്‍ കളിച്ചു കൊണ്ടിരിക്കുന്നതിനിടെയാണ് മൂര്‍ഖനെ കുട്ടി കണ്ടത്. ഉപദ്രവകാരിയാണെന്നോ പാമ്പാണെന്നോ തിരിച്ചറിവില്ലാത്ത കുരുന്ന്, പാമ്പിനെ കടിക്കുകയായിരുന്നു. വീടിനടുത്ത് കളിച്ചുകൊണ്ടിരിക്കുകയായിരുന്ന ഗോവിന്ദ എന്ന കുട്ടിയാണ് പാമ്പിനെ കൊന്നത്. കുട്ടി കളിക്കുന്നതിനിടെ പാമ്പ് കെെയിൽ ചുറ്റുകയായിരുന്നു. പെട്ടെന്നുണ്ടായ പ്രകോപനത്തിൽ കുട്ടി പാമ്പിന്റെ ശരീരത്തിൽ കടിക്കുകയായിരുന്നു. തൽക്ഷണം തന്നെ പാമ്പ് ചാത്തു.

സംഭവം കണ്ട് ഓടിയെത്തിയ മുത്തശ്ശി നടുങ്ങി നിന്നു. ഈ നേരം കൊണ്ട് കുട്ടി പാമ്പിനെ കടിച്ച് കൊന്നിരുന്നു. പാമ്പ് ചത്തതിന് പിന്നാലെ കുട്ടിയും ബോധംകെട്ടു വീണു. വീട്ടുകാര്‍ വാരിയെടുത്ത് ആശുപത്രിയിലെത്തിക്കുകയായിരുന്നു. കളിപ്പാട്ടമെന്ന് തെറ്റിദ്ധരിച്ചാവും കുട്ടി പാമ്പിനടുത്ത് എത്തിയതെന്നാണ് നിഗമനം.