ശുഭാംശുവിന്റെ ബഹിരാകാശത്തെ പരീക്ഷണങ്ങളറിയാം... ഓപ്പറേഷന്‍ സിന്ദൂര്‍, ബഹിരാകാശ ദൗത്യങ്ങളായ ചന്ദ്രയാന്‍, ആദിത്യ എല്‍ 1, ശുഭാംശു ശുക്ലയെ അന്താരാഷ്ട്ര ബഹിരാകാശനിലയത്തിലെത്തിച്ച ആക്സിയം 4 തുടങ്ങിയവ എന്‍.സി.ഇ.ആര്‍.ടി പാഠ്യപദ്ധതിയുടെ ഭാഗമാക്കുന്നു.


ഇവ പാഠപുസ്തകത്തിന്റെ ഭാഗമായിരിക്കുകയില്ല, എന്നാല്‍ പാഠ്യപദ്ധതിയുടെ പ്രത്യേക ഭാഗമായി ഉള്‍പ്പെടുത്തും. പാഠ്യപദ്ധതിയുടെ മൊഡ്യൂളുകള്‍ തയ്യാറാക്കി വരികയാണെന്ന് കേന്ദ്ര വിദ്യാഭ്യാസ മന്ത്രാലയ വൃത്തങ്ങള്‍ .


രണ്ട് മൊഡ്യൂളുകളാണ് തയ്യാറാക്കുന്നത്. ആദ്യത്തേത് മൂന്ന് മുതല്‍ എട്ട് വരെ ക്ലാസിലെ പാഠ്യവിഷയമാവും. രണ്ടാമത്തേത് 9 മുതല്‍ 12 വരെ ക്ലാസുകളിലേക്കാണ്. 8 മുതല്‍ 10 വരെ പേജുകളാണ് ഓരോ മൊഡ്യൂളിനുമുണ്ടാവുക. ഇന്ത്യയുടെ സൈനികശക്തി, പ്രതിരോധ സംവിധാനങ്ങള്‍, നയതന്ത്ര ബന്ധങ്ങള്‍, മന്ത്രാലയങ്ങള്‍ തമ്മിലുള്ള ഏകോപനം തുടങ്ങിയവ പുതുതലമുറയെ പഠിപ്പിക്കാനാണ് ലക്ഷ്യമിടുന്നതെന്ന് വിദ്യാഭ്യാസ മന്ത്രാലയത്തിലെ മുതിര്‍ന്ന ഉദ്യോഗസ്ഥന്‍ പറഞ്ഞു. കൊവിഡ്, ഇന്ത്യയുടെ ഡിജിറ്റല്‍ വിപ്ലവം, ജി-20 ഉച്ചകോടി എന്നിവയും മൊഡ്യൂളില്‍ ഉള്‍പ്പെടുത്തുന്നതാണ്.