പ്രായപൂര്‍ത്തിയാകാത്ത വിദ്യാര്‍ത്ഥിയുമായി അദ്ധ്യാപികയുടെ അശ്‌ളീല വീഡിയോ കോള്‍
പ്രായപൂര്‍ത്തിയാകാത്ത വിദ്യാര്‍ത്ഥിയുമായി അര്‍ദ്ധനഗ്‌നയായി വീഡിയോ കോള്‍ ചെയ്ത അദ്ധ്യാപിക അറസ്റ്റില്‍. നവി മുംബയില്‍ 35കാരിയായ യുവതിയാണ് അറസ്റ്റിലായത്. പോക്‌സോ വകുപ്പാണ് അദ്ധ്യാപികയ്‌ക്കെതിരെ ചുമത്തിയിരിക്കുന്നത്.
കഴിഞ്ഞ കുറച്ച് നാളുകളായി അദ്ധ്യാപിക അശ്‌ളീലച്ചുവയുള്ള മെസേജുകള്‍ ഇന്‍സ്റ്റാഗ്രാം ഉള്‍പ്പെടെയുള്ള സമൂഹമാദ്ധ്യമങ്ങളിലൂടെ വിദ്യാര്‍ത്ഥിക്ക് അയയ്ക്കാറുള്ളതായി പൊലീസ് പറഞ്ഞു. ഇതിനുശേഷമാണ് അര്‍ദ്ധനഗ്‌നയായുള്ള വീഡിയോകോളുകള്‍ ആരംഭിച്ചത്. ഇത് ഏറെ നാളായി തുടര്‍ന്നതോടെ വിദ്യാര്‍ത്ഥി മാതാപിതാക്കളെ വിവരമറിയിക്കുകയായിരുന്നു. തുടര്‍ന്നാണ് മാതാപിതാക്കള്‍ അദ്ധ്യാപികയ്‌ക്കെതിരെ പൊലീസില്‍ പരാതി നല്‍കിയത്.
അദ്ധ്യാപികയുടെ പ്രവൃത്തികള്‍ വിദ്യാര്‍ത്ഥിക്ക് മാനസികാഘാതമുണ്ടാകുന്നതിന് കാരണമായതായി മാതാപിതാക്കള്‍ പറയുന്നു. മറ്റ് വിദ്യാര്‍ത്ഥികളോടും അദ്ധ്യാപിക ഇത്തരത്തില്‍ പെരുമാറിയിട്ടുണ്ടോയെന്ന് പരിശോധിക്കുകയാണ് പൊലീസ്. യുവതിയുടെ മൊബൈല്‍ ഫോണ്‍ പൊലീസ് പിടിച്ചെടുത്തു. സമൂഹമാദ്ധ്യമ അക്കൗണ്ടുകളും പൊലീസ് പരിശോധിക്കുകയാണ്.
https://www.facebook.com/Malayalivartha
