ഉത്തര്‍പ്രദേശിലെ പുര്‍ണിയ ഗ്രാമത്തിലെ ബിജ്നൂരില്‍ ദമ്പതികളെ വയലില്‍ മരിച്ച നിലയില്‍ കണ്ടെത്തി. വയലില്‍ പണിക്കു പോയ പര്‍വേന്ദ്ര (35), ഭാര്യ ഗീത (32) എന്നിവരെയാണ് മരിച്ച നിലയില്‍ കണ്ടെത്തിയതെന്ന് നൂര്‍പൂര്‍ പൊലീസ് സ്റ്റേഷന്‍ ഇന്‍ചാര്‍ജ് ജയ് ഭഗവാന്‍ സിങ് അറിയിച്ചു.

ഏറെ നേരം കഴിഞ്ഞിട്ടും രണ്ടുപേരും മടങ്ങി വരാത്തതിനെ തുടര്‍ന്ന് ബന്ധുക്കള്‍ നടത്തിയ തിരച്ചിലിലാണ് മൃതദേഹങ്ങള്‍ കണ്ടെത്തിയത്.
വൈക്കോല്‍ കൂനയുടെ സമീപം കിടക്കുന്ന നിലയിലായിരുന്നു പര്‍വേന്ദ്ര. ഗീതയുടെ മൃതദേഹം കുറച്ചകലെ കിടക്കുന്ന നിലയിലായിരുന്നു. ഇരുവരുടെയും ശരീരത്തില്‍ കുത്തിവയ്പ് നടത്തിയ പാടുകളുണ്ട്.

സംഭവത്തില്‍ അന്വേഷണം ആരംഭിച്ചെന്നും പോസ്റ്റുമോര്‍ട്ടത്തിനു ശേഷമേ കൂടുതല്‍ വ്യക്തത ലഭിക്കുകയുള്ളൂ.