ഗുരുഗ്രാമിലെ ഒരു കമ്പനിയിൽ ജോലി ചെയ്യുന്ന 25 വയസ്സുള്ള ഒരാൾ ഡൽഹി പ്രദേശത്തെ ഒരു എയർബിഎൻബി ഫ്ലാറ്റിൽ ഹീലിയം വാതകം ശ്വസിച്ച് ആത്മഹത്യ ചെയ്തതായി പോലീസ് പറഞ്ഞു. ധീരജ് കൻസാൽ എന്നയാൾ ജൂലൈ 20 മുതൽ 28 വരെ എട്ട് ദിവസത്തേക്ക് ഫ്ലാറ്റ് ബുക്ക് ചെയ്തിരുന്നു, ഇന്ത്യമാർട്ടിൽ തിരഞ്ഞ ശേഷം ഗാസിയാബാദിലെ ഒരു വിതരണക്കാരനിൽ നിന്ന് 3,500 രൂപയ്ക്ക് ഹീലിയം വാങ്ങി."എനിക്ക് ജീവിതത്തിലെ ഏറ്റവും മനോഹരമായ ഭാഗം മരണമാണ്. ദയവായി എന്റെ മരണത്തിൽ ദുഃഖിക്കരുത്. ആത്മഹത്യ തെറ്റല്ല, കാരണം എനിക്ക് എന്റെ മേൽ യാതൊരു ഉത്തരവാദിത്തവുമില്ല"

എന്ന് കൻസാൽ ഫേസ്ബുക്കിൽ ഒരു നീണ്ട വൈകാരിക കുറിപ്പ് പോസ്റ്റ് ചെയ്തു.ദൽഹി പോലീസ് പറയുന്നതനുസരിച്ച് ജൂലൈ 28 ന്, ഒരു ഗസ്റ്റ് ഹൗസിൽ താമസിക്കുന്ന ഒരു അതിഥി പുറത്തിറങ്ങുന്നില്ലെന്നും മുറിയിൽ നിന്ന് ദുർഗന്ധം വമിക്കുന്നുണ്ടെന്നും ബരാഖംബ പോലീസ് സ്റ്റേഷനിലെ പോലീസിന് വിവരം ലഭിച്ചു. ഇതേത്തുടർന്ന് പോലീസ്, എഫ്എസ്എൽ, ഫയർഫോഴ്‌സ് സംഘം എന്നിവർ സ്ഥലത്തെത്തി മുറിയുടെ വാതിൽ തകർത്ത് അകത്ത് കയറി.ധീരജിന്റെ മൃതദേഹം കട്ടിലിൽ കമിഴ്ന്നു കിടക്കുന്ന നിലയിലായിരുന്നു. ഹീലിയം സിലിണ്ടറുമായി ബന്ധിപ്പിച്ച പൈപ്പ് വായിൽ ഉണ്ടായിരുന്നു.

മുഖത്ത് ഒരു മാസ്‌കും അതിന്മേൽ പ്ലാസ്റ്റിക് പൊതിഞ്ഞ നിലയിലും കഴുത്തിന് സമീപം ടേപ്പ് ഒട്ടിച്ചിരുന്നു.സമീപത്ത് നിന്ന് ഒരു സിലിണ്ടറും മാസ്‌കും ഉപകരണത്തിൽ ഘടിപ്പിച്ച ഒരു മീറ്ററും കണ്ടെത്തി.പോലീസ് റിപ്പോർട്ട് പ്രകാരം ജൂലൈ 20 മുതൽ 28 വരെ ബംഗാളി മാർക്കറ്റിലെ 18 സ്കൂൾ ലെയ്നിലുള്ള ഒരു ഹോട്ടലിൽ ധീരജ് മുറി ബുക്ക് ചെയ്തിരുന്നു. മുറിയിൽ നിന്ന് ഒരു ആത്മഹത്യാക്കുറിപ്പും കണ്ടെത്തി, അതിൽ തന്റെ ഫേസ്ബുക്ക് പോസ്റ്റ് ഡിലീറ്റ് ചെയ്താൽ, ഈ കുറിപ്പ് തന്റെ ചിന്തകൾ പ്രകടിപ്പിക്കുന്നതിനാണ് എന്ന് എഴുതിയിരുന്നു. ജീവിതത്തിലെ ഏറ്റവും മനോഹരമായ ഭാഗമാണ് മരണം എന്ന് ധീരജ് ആത്മഹത്യാക്കുറിപ്പിൽ എഴുതിയിട്ടുണ്ട്. ദയവായി എന്റെ മരണത്തിൽ ദുഃഖിക്കരുത്.

ആത്മഹത്യ ചെയ്യുന്നത് മോശമല്ല, കാരണം എനിക്ക് എന്റെ മേൽ ഒരു ഉത്തരവാദിത്തവുമില്ല, ആർക്കും എന്നോട് വൈകാരിക അടുപ്പവുമില്ലെന്നും ഇയാൾ കുറിച്ചിരുന്നു.പോലീസ് നടത്തിയ അന്വേഷണത്തിൽ ധീരജിന്റെ അച്ഛൻ 2003-ൽ മരിച്ചുപോയെന്നും അമ്മ പുനർവിവാഹം കഴിച്ചതാണെന്നും കണ്ടെത്തി.