വിഭജന ഭീതി ദിനം ആഘോഷിക്കണമെന്ന സര്ക്കുലറുമായി ഗവര്ണര് രാജേന്ദ്ര ആര്ലേക്കര്
വിഭജന ഭീതി ദിനം ആഘോഷിക്കണമെന്ന വിവാദ സര്ക്കുലറുമായി ഗവര്ണര് രാജേന്ദ്ര ആര്ലേക്കര്. വൈസ് ചാന്സിലര്മാര്ക്കാണ് ഗവര്ണര് നിര്ദേശം നല്കിയത്. ആഗസ്റ്റ് 14ന് ദിനത്തോട് അനുബന്ധിച്ച് വിവിധ പരിപാടികള് സംഘടിപ്പിക്കണമെന്നാണ് ആഹ്വാനം.
2021ല് പ്രധാനമന്ത്രി നരേന്ദ്ര മോദിയാണ് വിഭജനഭീതി ദിനം ആചരിക്കണമെന്ന് ആഹ്വാനം ചെയ്തത്. കഴിഞ്ഞ വര്ഷം യു.ജി.സിയും സമാനമായ നിര്ദേശം നല്കിയിരുന്നു.
സര്വകലാശാലകളില് വിഭജന ഭീതി ദിനം ആചരിക്കണമെന്നായിരുന്നു നിര്ദേശം. ഗവര്ണര് നിലവില് നല്കിയ നിര്ദേശപ്രകാരം വൈസ്ചാന്സിലര്മാരും വിദ്യാര്ഥികളും അധ്യാപകരും ആഘോഷത്തില് പ?ങ്കെടുക്കണമെന്ന് നിര്ദേശിച്ചിട്ടുണ്ട്.സര്വകലാശാലകള്ക്ക് വിഷയത്തില് സെമിനാറുകള് സംഘടിപ്പിക്കാവുന്നതാണ്.
വിഭജനത്തിന്റെ ഭീകരത തുറന്ന് കാട്ടുന്ന നാടകങ്ങള് സംഘടിപ്പിക്കാനും നിര്ദേശമുണ്ട്. സര്വകലാശാലകളോട് ആക്ഷന് പ്ലാന് നല്കാന് ചാന്സലര് സര്ക്കുലറില് നിര്ദേശിക്കുകയും ചെയ്യുന്നുണ്ട്.
വിഭജനത്തിന്റെ വേദന ഒരിക്കലും മറക്കാന് കഴിയില്ല. വിദ്വേഷവും അക്രമവും കാരണം നമ്മുടെ ദശലക്ഷക്കണക്കിന് സഹോദരിമാരും സഹോദരങ്ങളും പലായനം ചെയ്യപ്പെടുകയും നിരവധി പേര്ക്ക് ജീവന് നഷ്ടപ്പെടുകയും ചെയ്തു. നമ്മുടെ ജനങ്ങളുടെ പോരാട്ടങ്ങളുടെയും ത്യാഗങ്ങളുടെയും സ്മരണയ്ക്കായി, ആഗസ്ത് 14 വിഭജന ഭീതി അനുസ്മരണ ദിനമായി ആചരിക്കുമെന്നായിരുന്നു പ്രധാനമന്ത്രി നരേന്ദ്ര മോദി 2021ല് എക്സില് കുറിച്ചത്.
https://www.facebook.com/Malayalivartha
