തമിഴ്‌നാട് മുഖ്യമന്ത്രി ജോസഫ് വിജയ്‌യെ കുറിച്ച് ചില ഞെട്ടിക്കുന്ന പ്രവചനങ്ങൾ . തമിഴ്‌നാട് മുഖ്യമന്ത്രി ജോസഫ് വിജയ്‌യുടെ രാഷ്ട്രീയയാത്ര ഇവിടംകൊണ്ട് അവസാനിക്കില്ലെന്നും അദ്ദേഹം രാജ്യത്തിന്റെ പ്രധാനമന്ത്രിയാവുമെന്നും ജ്യോത്സ്യന്റെ പ്രവചനം. വിജയ് മുഖ്യമന്ത്രിയാകുമെന്നു പ്രവചിച്ച ജ്യോത്സ്യൻ രാധൻ പണ്ഡിറ്റ് വെട്രിവേലാണ് പുതിയ പ്രവചനവുമായി രംഗത്തുവന്നത്.വിജയ് ഇന്ത്യയുടെ പ്രധാനമന്ത്രിയാകാൻ വിധിക്കപ്പെട്ടയാളാണ്. അദ്ദേഹത്തിന്റെ ജാതകം നരേന്ദ്രമോദിയുടെ ജാതകവുമായി ഏറെ സാമ്യതയുള്ളതാണ്.

മുഖ്യമന്ത്രിപദവിയിൽമാത്രം ഒതുങ്ങാതെ രാജ്യത്തിന്റെ പരമോന്നതപദവിയിലെത്തും. അടുത്ത 30-40 വർഷത്തേക്ക് വിജയ്ക്ക് രാഷ്ട്രീയ എതിരാളികൾ ഉണ്ടാകില്ലെന്നും രാധൻ പണ്ഡിറ്റ് പറഞ്ഞു.വിജയ്‌യുടെ രാഷ്ട്രീയയാത്രയുടെ തുടക്കംമാത്രമാണിത്. മോദിയെപ്പോലെത്തന്നെ നേരിട്ട് ഉന്നതപദവിയിലേക്ക് എത്തുന്ന രാഷ്ട്രീയപാതയാണ് വിജയ്ക്കു മുൻപിലുള്ളത്. 2001-ൽ മോദി ആദ്യമായി ഗുജറാത്ത് മുഖ്യമന്ത്രിയായ അതേ പ്രായത്തിൽ തന്നെയാണ് വിജയ്‌യും മുഖ്യമന്ത്രിയാവുന്നത്.

മോദിയെപ്പോലെ സർക്കാരിൽ താഴ്ന്നപദവികൾ വഹിക്കാതെ, സജീവരാഷ്ട്രീയത്തിൽ പ്രവേശിച്ച ഉടൻതന്നെയാണ് വിജയ് നേരിട്ട് മുഖ്യമന്ത്രിയായത്. മോദി ഗുജറാത്ത് മുഖ്യമന്ത്രിപദവിയിൽനിന്ന് അതിവേഗം പ്രധാനമന്ത്രിയായി ഉയർന്നു. വിജയ്ക്കും ഇതേ ഭാവിയാണ് ഉണ്ടാവുകയെന്നും രാധൻ പണ്ഡിറ്റ് അവകാശപ്പെട്ടു.രാധൻ പണ്ഡിറ്റിനെ വിജയ് മുഖ്യമന്ത്രിയുടെ ഓഫീസിലെ ഓഫീസർ ഓൺ സ്പെഷ്യൽ ഡ്യൂട്ടി (സി.എം.ഒ.) പദവിയിൽ നിയമിച്ചിരുന്നെങ്കിലും സഖ്യകക്ഷികളുടെ എതിർപ്പിനെത്തുടർന്ന് നിയമനം റദ്ദാക്കിയിരുന്നു.

തമിഴ്‌നാടിന്റെ പുതിയ മുഖ്യമന്ത്രിയായി ചുമതലയേറ്റ സിനിമാ താരം കൂടിയായ വിജയ്, ഭരണസിരാകേന്ദ്രത്തിലെ കാലഹരണപ്പെട്ട കൊളോണിയൽ പ്രോട്ടോക്കോളുകളിൽ വിപ്ലവകരമായ മാറ്റങ്ങൾ വരുത്തിക്കൊണ്ട് വിഐപി സംസ്‌കാരത്തിനെതിരെ ശക്തമായ നിലപാട് സ്വീകരിക്കുന്നു. ഔദ്യോഗിക കസേരകളിൽ വെള്ളത്തുണി (ടവ്വൽ) വിരിക്കുന്ന പതിറ്റാണ്ടുകൾ പഴക്കമുള്ള പരമ്പരാഗത രീതി പൂർണ്ണമായും ഒഴിവാക്കിക്കൊണ്ടാണ് അദ്ദേഹം ഇപ്പോൾ വാർത്തകളിൽ ഇടംപിടിച്ചിരിക്കുന്നത്.