മധ്യപ്രദേശിലെ ഗോളിയാറില്‍ ഇരുന്നൂറടി താഴ്ചയുള്ള കുഴല്‍ കിണറില്‍ രണ്ടു വയസുകാരന്‍ വീണു. അവി പച്ചോരി എന്ന കുട്ടിയാണ് കാലു തെന്നി കിണറില്‍ വീണത്. 25- 30 അടിക്ക് ഇടയില്‍ കുട്ടി കുടുങ്ങി കിടക്കുകയാണെന്ന് രക്ഷാപ്രവര്‍ത്തകര്‍ പറയുന്നു.

ബോഡര്‍ സെക്യൂരിറ്റി ഫോഴ്‌സാണ് രക്ഷാ പ്രവര്‍ത്തനത്തിന് മേല്‍നോട്ടം വഹിക്കുന്നത്. അവര്‍ കുട്ടിയെ സി.സി.ടി.വി ക്യാമറ വഴി നിരീക്ഷിക്കുന്നുണ്ട്. കുട്ടിക്ക് ഒരു ചലനവും കാണിക്കുന്നില്ലെന്ന് അവര്‍ പറയുന്നു. ക്യാമറയിലൂടെയുള്ള ദൃശ്യങ്ങളില്‍ നിന്നും കുഴല്‍കിണറിനുള്ളില്‍ ഒരു പാമ്പുള്ളതായി വ്യക്തമായിട്ടുണ്ട്. കിണറിന് സമാന്തരമായി കുഴികുഴിച്ച് കുട്ടിയെ രക്ഷിക്കാനുള്ള ശ്രമത്തിലാണ് രക്ഷാപ്രവര്‍ത്തകര്‍.