മൃഗീയ കൊലപാതകം, മൂന്നുമാസം പ്രായമുള്ള പെണ്കുഞ്ഞിനെ പിതാവ് ഭിത്തിയിലെറിഞ്ഞു കൊന്നു, കൊലക്കു കാരണം മൂന്നാമതും പെണ്കുഞ്ഞു പിറന്നാല്
ചെന്നൈയിലെ തിരുവള്ളൂര് ഡിസ്ട്രിക്ടിലെ ആമിര്ത്തമംഗലം ഗ്രാമത്തിലെ തൊഴിലാളി ജി.ദാമോദരനാണു (45) മൂന്നാമതു പിറന്നതും പെണ്കുഞ്ഞായതിനാല് ഇളയ മകളെ ഭിത്തിയിലെറിഞ്ഞു കൊന്നത്. തന്റെ മൂന്ന് മാസം പ്രായമുള്ള ഇളയ മകള് ജ്യോതിലക്ഷ്മിയെ ഭാര്യയുടെയും കുട്ടികളുടെയും കണ്മുന്നില് അതിക്രൂരമായി ഭിത്തിയിലെറിഞ്ഞാണ് ഇയാള് കൊലപ്പെടുത്തിയത്.
കൂലിപ്പണിക്കാരനായ ദാമോദരന് അംബിക ദമ്പതികള്ക്കു രണ്ടു പെണ്കുട്ടികളാണുണ്ടായിരുന്നത്. മൂന്നാമത് ഒരു ആണ്കുട്ടീ വേണമെന്നായിരുന്നു ദാമോദരന്റെ ആഗ്രഹം. എന്നാല് മൂന്നാമതും പെണ്കുഞ്ഞു പിറന്നതിനാല് പെണ്കുട്ടിയെ വളര്ത്തുന്നതിലും വിവാഹേതര ചിലവുകളും കണക്കിലെടുത്ത് കുട്ടിയെ അനാഥാലയത്തില് ഏല്പ്പിക്കാമെന്നു ദാമോദരന് പറഞ്ഞെങ്കിലും അംബിക വിസമ്മതിച്ചിരുന്നു.
കഴിഞ്ഞ ദിവസം മൂത്ത മകള് അനുപ്രിയ (11) അസുഖത്തെ തുടര്ന്ന് സ്കൂളില് നിന്ന് ഉച്ചക്ക് വീട്ടില് തിരിച്ചെത്തിയപ്പോഴായിരുന്നു ക്രൂരമായ കൊലപാതകം നടന്നത്. ഉച്ച ഭക്ഷണം കഴിച്ചു കൊണ്ടിരിക്കെ ഉറങ്ങിക്കിടക്കുകയായിരുന്ന കുഞ്ഞെഴുന്നേറ്റു പറഞ്ഞതിനെ തുടര്ന്ന് ഭാര്യയുമായി ഇയാള് വഴക്കിട്ടു. കുഞ്ഞിനെ സ്റ്റീല് പാത്രം കൊണ്ട് ആക്രമിക്കാന് ശ്രമിച്ചതിനിടയില് ഭാര്യ തടയുകയും ചെയ്തു.എന്നാല് കുഞ്ഞിനെ കടന്നു പിടിച്ച ഇയാള് ഭാര്യയുടെയുംഅനുപ്രിയയുടെയും മുന്നില് വച്ച് ഭിത്തിയിലേക്കെറിഞ്ഞ് കൊലപ്പെടുത്തുകയായിരുന്നു. സംഭവത്തെ തുടര്ന്ന് കവരപ്പേട്ടൈ പോലീസ് ഇയാളെ അറസ്റ്റു ചെയ്തു.
https://www.facebook.com/Malayalivartha