മലയാളി വാര്ത്ത.
മനുഷ്യ മനസാക്ഷിയെ ഞെട്ടിച്ച ഡല്ഹിയിലെ കൂട്ട മാനഭംഗത്തിനിരയായ പെണ്കുട്ടി ഇന്ന് രാവിലെ 2.15 ന് സിംഗപൂരിലെ മൗണ്ട് എലിസബത്ത് ആശുപത്രിയില് മരണമടഞ്ഞു. ബീഹാര് സ്വദേശിയും ഡല്ഹി സെന്റ് സ്റ്റീഫന്സ് കോളേജില് പാരാ മെഡിക്കല് വിദ്യാര്ത്ഥിയുമായ 23 വയസുള്ള ജ്യോതിയാണ് ആ പെണ്കുട്ടി.
പെണ്കുട്ടിക്ക് വേണ്ടി ഇന്ത്യ ഒന്നിച്ച് പ്രാര്ത്ഥിച്ചു. ഇന്ത്യ കണ്ട വലിയ പ്രതിഷേധത്തിന് തന്നെ അത് വേദിയായി. പെണ്കുട്ടിയുടെ ജീവന് നിലനിര്ത്താനായി സര്ക്കാരും ആവുന്നത് ചെയ്തു. അങ്ങനെയാണ് ഡല്ഹിയില് നിന്നും സിംഗപൂരിലെ പ്രശസ്തമായ മൗണ്ട് എലിസബത്ത് ആശുപത്രിയില് കൊണ്ടു പോയത്. പക്ഷെ, ആന്തരികാവയവമുള്പ്പെടെ ഗുരുതമായി പരിക്കേറ്റിരുന്നതിനാല് ഡോക്ടര്മാര്ക്കും പ്രതീക്ഷയില്ലായിരുന്നു.
ഡിസംബര് പതിനാറിനാണ് സുഹൃത്തിനോടൊപ്പം സിനിമ കണ്ട് മടങ്ങുകയായിരുന്ന പെണ്കുട്ടിയെ ഓടിക്കൊണ്ടിരുന്ന ബസില് അഞ്ച് പേരടങ്ങുന്ന സംഘം കൂട്ട മാനഭംഗത്തിനിരയാക്കിയത്.