കള്ളികളോടു പെരുമാറുന്നതുപോലെ തന്നോട് പെരുമാറരുതെന്ന് ശശികല, ഞാന് പോലീസ് ജീപ്പില് കയറില്ല, വേണമെങ്കില് നടന്നുപോകാം
അനധികൃത സ്വത്തുകേസില് മുന് മുഖ്യമന്ത്രി ജയലളിതയ്ക്കൊപ്പം പരപ്പനയിലെ ജയിലില് കഴിഞ്ഞപ്പോള് വി ഐ പി സൗകര്യത്തിലാണ് ജയയ്ക്കൊപ്പം ശശികലയും കഴിഞ്ഞത്. എന്നാല് ഇന്ന് ആവശ്യപ്പെട്ട സൗകര്യങ്ങളൊന്നും ലഭിച്ചില്ലെങ്കിലും താന് ഒരു സാദാ തടവുകാരിയല്ലെന്ന മട്ടിലാണ് ജയിലിലെ ശശികലയുടെ പെരുമാറ്റം. ഇക്കാര്യം വ്യക്തമാക്കി ജയില് വളപ്പിലെ യാത്രയ്ക്ക് പോലീസ് ജീപ്പില് കയറാന് പോലും ശശികല തയാറാകുന്നില്ല. ഒരു സാദാ തടവുകാരിയെ പോലെ പോലീസ് ജീപ്പില് കയറി സഞ്ചരിക്കാന് തയാറല്ലെന്ന് അവര് ജയില് ഉദ്യോഗസ്ഥരോട് പറഞ്ഞതായി ചില ദേശീയ മാധ്യമങ്ങള് റിപ്പോര്ട്ട് ചെയ്തു.
ജീപ്പില് കയറുന്നതിനുപകരം താന് എത്രദൂരം വേണമെങ്കിലും നടക്കാമെന്ന നിലപാടും ശശികല പ്രകടിപ്പിച്ചത്രേ. ഞാന് സെല്ലില് ഇരുന്നുകൊള്ളാം, അല്ലാതെ ഒരു ക്രിമിനലിനെപ്പോലെ ജയിലിലെ തുറന്ന വാഹനത്തില് യാത്ര ചെയ്യാനാവില്ലെന്നാണ് ശശകലയുടെ നിലപാടെന്നും റിപ്പോര്ട്ടുകളുണ്ട്. മാത്രമല്ല ജയിലില് അവര് വളരെ അസ്വസ്ഥയും നിരാശയും പ്രകടമാക്കുന്നുവെന്നും ജയില് ഉദ്യോഗസ്ഥര് പറയുന്നു.
അതേസമയം, തന്നെ കാണാനെത്തുന്ന തമിഴ് നാട്ടില് നിന്നുള്ള നേതാക്കളോടും പ്രവര്ത്തകരോടും സംസാരിക്കാനോ കാണാനോ ശശികല അനുമതി നല്കുന്നില്ല. ജയിലിലുള്ള മറ്റ് അന്തേവാസികളോടും മിണ്ടാന് തയ്യാറാകുന്നില്ല. ആകെ സംസാരിക്കുന്നത് സെല്ലില് ഒപ്പമുള്ള സഹോദര ഭാര്യയായ ഇളവരശിയോട് മാത്രമാണെന്നും റിപ്പോര്ട്ടുകളുണ്ട്.
https://www.facebook.com/Malayalivartha
