വിശ്വാസവോട്ടെടുപ്പ്; നിയമ സഭയില് നാടകീയ രംഗങ്ങള്
തമിഴകത്തിന്റെ രാഷ്ട്രീയ ഭാവി നിര്ണയിക്കുന്ന വിശ്വാസവോട്ടെടുപ്പിനിടെ സഭയില് നാടീകയ രംഗങ്ങള്. പളനിസ്വാമി നിയമസഭയില് വിശ്വാസ പ്രമേയം അവതരിപ്പിച്ചതിനെ തുടര്ന്നാണ് നാടീകയ രംഗങ്ങള് അരങ്ങേറിയത്.
തമിഴകത്തിന്റെ രാഷ്ട്രീയ ഭാവി നിര്ണയിക്കുന്ന വിശ്വാസവോട്ടെടുപ്പിനിടെ സഭയില് നാടീകയ രംഗങ്ങള്. തമിഴ്നാട് മുഖ്യമന്ത്രി എടപ്പാടി കെ പളനിസ്വാമി നിയമസഭയില് വിശ്വാസ പ്രമേയം അവതരിപ്പിച്ചതിനെ തുടര്ന്നാണ് നാടീകയ രംഗങ്ങള് അരങ്ങേറിയത്. രാവിലെ 11 മണിയോടെ നിയമ സഭ ചേര്ന്നു. 234 അംഗങ്ങളുള്ള നിയമസഭയില് 117 അംഗങ്ങളുടെ പിന്തുണയാണ് കേവലഭൂരിപക്ഷത്തിന് വേണ്ടത്. 123 എംഎല്എമാരുടെ പിന്തുണയുണ്ടെന്ന് മുഖ്യമന്ത്രി പളനിസ്വാമി അവകാശപ്പെടുമ്പോള് 11 പേര് പനീര്ശെല്വത്തിന് പിന്തുണ പ്രഖ്യാപിച്ചു കഴിഞ്ഞു. പനീര് സെല്വത്തിന് ഡിഎം.കെയും പിന്തുണ പ്രഖ്യാപിച്ചു കഴിഞ്ഞു.
പളനിസ്വാമി വിശ്വാസ പ്രമേയം അവതരിപ്പിച്ചു കഴിഞ്ഞ ഉടനെ പ്രതിപക്ഷ അംഗങ്ങള് ബഹളം തുടങ്ങി. രഹസ്യ ബാലറ്റ് വേണമെന്ന് പനീര് സെല്വവും ഡിഎംകെയും ആവശ്യപ്പെട്ടുവെങ്കിലും അംഗീകരിക്കപ്പെട്ടില്ല. തുടര്ന്ന്, ഡിഎംെക നേതാവ് സ്റ്റാലിന് എഴുന്നേറ്റ് പനീര് സെല്വത്തെ സംസാരിക്കാന് അനുവദിക്കണമെന്ന് ആവശ്യപ്പെട്ടു. എന്നാല്, ഇത് അംഗീകരിക്കപ്പെട്ടില്ല. തുടര്ന്ന് പ്രതിപക്ഷം എഴുന്നേറ്റു നിന്ന് ബഹളം വെച്ചു. ഇതിനുശേഷം, സഭാംഗങ്ങള്ക്ക് വേണ്ട സുരക്ഷ ഉറപ്പാക്കണമെന്ന് സ്പീക്കര് ആവശ്യപ്പെട്ടു. ഇതിനുശേഷമാണ് വോട്ടെടുപ്പ് തുടങ്ങിയത്. ഇതിനു തൊട്ടുമുമ്പായി സഭയുടെ വാതിലുകള് അടച്ചു. നാടകീയ രംഗങ്ങളാണ് ഇവിടെ അരങ്ങേറുന്നത്.
നിയമസഭയില് വിശ്വാസവോട്ടെടുപ്പ് നീട്ടിവയ്ക്കണമെന്ന് ആവശ്യപ്പെട്ട് പ്രതിപക്ഷ നേതാവ് എം.കെ. സ്റ്റാലിനും ഒ.പനീര്സെല്വവും രംഗത്തെത്തിയിരിക്കുകയാണ്. ബഹളം ശക്തമായതോടെ സഭയില് സംസാരിക്കാന് സ്പീക്കര്, പനീര്സെല്വത്തിന് അനുമതി നല്കി. എംഎല്എമാര് അവരുടെ മണ്ഡലങ്ങളില്ചെന്ന് ജനങ്ങളുമായി സംസാരിക്കണമെന്നും അതിനുശേഷം മാത്രമേ വോട്ടെടുപ്പു നടത്താവൂ എന്നും പനീര്സെല്വം ആവശ്യപ്പെട്ടു. ജനങ്ങളുടെ നിലപാട് മനസിലാക്കാന് എംഎല്എമാര്ക്ക് അവസരം നല്കണം. അതിനുശേഷമേ വോട്ടെടുപ്പു നടത്താവൂ എന്നും പനീര്സെല്വം നിര്ദേശിച്ചു.
വോട്ടെടുപ്പു തീര്ക്കാന് എന്താണിത്ര തിടുക്കമെന്നായിരുന്നു സ്റ്റാലിന്റെ ചോദ്യം. ജനാധിപത്യം സംരക്ഷിക്കപ്പെട്ടേ തീരൂ. ഭൂരിപക്ഷം തെളിയിക്കാന് പളനിസാമി സര്ക്കാരിന് ഗവര്ണര് 15 ദിവസത്തെ സമയം അനുവദിച്ചതും അദ്ദേഹം ചൂണ്ടിക്കാട്ടി. എന്നാല്, വോട്ടെടുപ്പ് നീട്ടിവയ്ക്കണമെന്ന ഇരുവരുടെയും ആവശ്യം സ്പീക്കര് തള്ളി. ഇതോടെ സഭ വീണ്ടും ബഹളത്തില് മുങ്ങി. അതേസമയം, വോട്ടെടുപ്പ് ആരംഭിച്ചതായുള്ള വാര്ത്തകള് അടിസ്ഥാനരഹിതമാണെന്നാണ് ഏറ്റവും പുതിയ വിവരം. മാധ്യമങ്ങളെ നിയമസഭയില് പ്രവേശിക്കാന് അനുവദിക്കാത്തതിനാല് ആധികാരികമായ വിവരങ്ങള് ലഭ്യമല്ല. മീഡിയ റൂമും അടച്ചുപൂട്ടിയിട്ടുണ്ട്.
അതേസമയം, സമ്മേളനം ആരംഭിച്ചതുമുതല് പളനിസാമിക്കെതിരെ പനീര്സെല്വം വിഭാഗവും ഡിഎംകെയും കൈകോര്ത്തു നീങ്ങുന്നതായാണ് വിവരം. ഡിഎംകെ എം!എല്എമാര് സഭയ്ക്കുള്ളില് ഒ.പനീര്സെല്വത്തിന് അനുകൂലമായി മുദ്രാവാക്യം വിളിച്ചു. പനീര്സെല്വം വിഭാഗത്തിന്റെ ചീഫ് വിപ്പ് സെമ്മലൈയെ സംസാരിക്കാന് അനുവദിക്കാത്ത സ്പീക്കറുടെ നിലപാടിനെതിരെയും സഭയില് ബഹളമുണ്ടായി. സെമ്മലൈയ്ക്ക് മൈക്ക് കൈമാറണമെന്ന് ഡിഎംകെ നേതാവ് എം.കെ. സ്റ്റാലിനും ആവശ്യപ്പെട്ടു. എംഎല്എമാരെ തടവിലാക്കിയെന്ന ആരോപണമുയര്ത്തിയും ഡിഎംകെ അംഗങ്ങള് ബഹളംവച്ചു.
നിയമസഭയിലേക്കെത്തിയ പ്രതിപക്ഷ നേതാവ് എം.കെ. സ്റ്റാലിന്റെ വാഹനം പ്രവേശനകവാടത്തിനു സമീപം പരിശോധിക്കാനുള്ള നീക്കം ചെറിയ സംഘര്ഷത്തിനും കാരണമായി. പ്രതിപക്ഷ പാര്ട്ടികളായ ഡിഎംകെ, കോണ്ഗ്രസ്, മുസ്!ലിം ലീഗ് എന്നിവര് സര്ക്കാരിനെതിരെ വോട്ടു ചെയ്യുമെന്ന് പ്രഖ്യാപിച്ചിട്ടുണ്ട്. ആരോഗ്യകാരണങ്ങളാല് ഡിഎംകെ അധ്യക്ഷന് എം.കരുണാനിധി സഭയില് എത്തിയില്ല.
അതേസമയം, വിശ്വാസവോട്ട് അടുക്കുന്തോറും കൊഴിഞ്ഞുപോകുന്ന എംഎല്എമാരുടെ എണ്ണം കൂടുന്നതിന്റെ വേവലാതിയിലാണ് മുഖ്യമന്ത്രി പളനിസാമിയും സംഘവും. ഇന്നുമാത്രം രണ്ട് എംഎല്എമാര് കൂടി പളനിസാമി ക്യാംപ് വിട്ടു. കോയമ്പത്തൂര് നോര്ത്ത് എംഎല്എ പി.ആര്.ജി. അരുണ്കുമാര്, കാങ്കയം എംഎല്എ തനിയരശ് എന്നിവരാണു പളനിസാമിക്കുള്ള പിന്തുണ പിന്വലിച്ചത്. 234 അംഗ സഭയില് നിലവില് പളനിസാമിക്ക് 121 പേരുടെ പിന്തുണയുണ്ടെന്നാണു സൂചന.
ഗവര്ണര് 15 ദിവസത്തെ സാവകാശം അനുവദിച്ചിട്ടും, റിസോര്ട്ടില് പാര്പ്പിച്ചിട്ടുള്ള എംഎല്എമാര് മറുപക്ഷത്തേക്കു പോകാനുള്ള സാധ്യത കണക്കിലെടുത്താണു പെട്ടെന്നു വിശ്വാസ വോട്ട് തേടാന് സര്ക്കാര് തീരുമാനിച്ചത്. വിശ്വാസപ്രമേയത്തെ അനുകൂലിച്ചു വോട്ട് ചെയ്യണമെന്നാവശ്യപ്പെട്ട് അണ്ണാ ഡിഎംകെയും അംഗങ്ങള്ക്കു വിപ്പ് കൊടുത്തിട്ടുണ്ട്. പാര്ട്ടിയില്നിന്നു പുറത്താണെങ്കിലും അണ്ണാ ഡിഎംകെ സ്ഥാനാര്ഥിയായാണു ജയിച്ചതെന്നതിനാല് പനീര്സെല്വത്തിനും ഇതു ബാധകമാണ്. ലംഘിക്കുന്നവര് അയോഗ്യത നേരിടേണ്ടതായി വരും.
https://www.facebook.com/Malayalivartha
