മലയാളി വാര്ത്ത.
അടുത്ത പൊതു തെരഞ്ഞെടുപ്പ് ലക്ഷ്യമാക്കി യു.പി.എ. സര്ക്കാര് കൊണ്ടുവരുന്ന പദ്ധതിയാണ് ആനുകൂല്യങ്ങള് ഗുണഭോക്താവിന് നേരിട്ടെത്തിക്കുക. രാജ്യത്തെ 20 ജില്ലകളില് മാത്രമാണ് തുടക്കത്തില് ഇത് നിലവില് വരിക. ഏഴ് പദ്ധതികളില് അര്ഹരായവര്ക്ക് കിട്ടേണ്ട ആനുകൂല്യങ്ങള് ഇടനിലക്കാരെ ഒഴിവാക്കി അവരുടെ ബാങ്ക് അക്കൗണ്ടുകളിലെത്തും. തുടക്കത്തില്,കേരളത്തില് പത്തനംതിട്ട, വയനാട് എന്നീ ജില്ലകളിലും ഈ പദ്ധതി നിലവില് വരും.
എന്നാല് ഭക്ഷ്യസബ്സിഡി, ഡീസല്, രാസവളസബ്സിഡി , എല്.പി.ജി. തുടങ്ങിയവയുടെ കാര്യത്തില് ഉടനെയൊന്നും ഇത് നടപ്പാക്കാനാവില്ലെന്ന് ധനമന്ത്രി പി. ചിദംബരം പറഞ്ഞു.
തത്കാലം ഏഴ് ആനുകൂല്യങ്ങളാണ് നേരിട്ട് വിതരണം ചെയ്യുന്നത് . പട്ടികജാതി-വര്ഗ വിദ്യാര്ഥികള്ക്കുള്ള പോസ്റ്റ് മെട്രിക് സ്കോളര്ഷിപ്പുകള്, പട്ടികജാതി വിദ്യാര്ഥികള്ക്കുള്ള പ്രീമെട്രിക് സ്കോളര്ഷിപ്പുകള്, മറ്റു പിന്നാക്കസമുദായ വിദ്യാര്ഥികള്ക്കുള്ള പോസ്റ്റ് മെട്രിക് സ്കോളര്ഷിപ്പുകള്, ഇന്ദിരാഗാന്ധി മാതൃത്വ സഹയാത യോജന, ധനലക്ഷ്മി പദ്ധതി, പട്ടികജാതി-വര്ഗ തൊഴിലന്വേഷകര്ക്കുള്ള ക്ഷേമപദ്ധതിക്കുകീഴില് പരിശീലനം നേടുന്നവര്ക്കുള്ള സ്റ്റൈപെന്ഡ് എന്നിവയാണ് ചൊവ്വാഴ്ച മുതല് ബാങ്ക് അക്കൗണ്ടുകള്വഴി വിതരണം ചെയ്യുക.
ആദ്യ പദ്ധതി പ്രകാരം 4800 വിദ്യാര്ത്ഥികള്ക്കാണ് പ്രയോജജനം ലഭിക്കുക.