ദേശീയപാതയില്‍ തക്കലയ്ക്കു സമീപം പുലിയൂര്‍ക്കുറിച്ചിയില്‍ കോളേജ് വാനും  ലോറിയും കൂട്ടിയിടിച്ച അപകടത്തില്‍ വാനില്‍  യാത്ര ചെയ്തിരുന്ന നാലു കോളജ് വിദ്യാര്‍ഥിനികള്‍ മരിച്ചു. 10 പേര്‍ക്കു പരുക്ക്.
പരയ്‌ക്കോട് വൈകുണ്ഠപുരം സ്വദേശി അര്‍ജുനന്റെ മകള്‍ മഞ്ജു(21), തിരുവിതാംകോട് പുങ്കറ സ്വദേശികളായ മുരുകന്റെ മകള്‍ ദീപ(19), ചന്ദ്രന്റെ മകള്‍ ശിവരഞ്ജിനി(19), തിരുവിതാംകോട് കാട്ടുവിളയില്‍ രാജശേഖരന്റെ ഭാര്യ സംഗീത(23) എന്നിവരാണു മരിച്ചത്.
കോളജ് കഴിഞ്ഞു വീട്ടിലേയ്ക്കു പോകുന്നതിനിടെ നാലുമണിയോടെയാണപകടം. നാഗര്‍കോവിലിനു സമീപമുള്ള സ്വകാര്യ വനിതാ ആര്‍ട്‌സ് കോളജിലെ വിദ്യാര്‍ഥിനികളാണ് മരിച്ചവര്‍. 14 പേരാണ് വാനിലുണ്ടായിരുന്നത്. മഞ്ജു, ദീപ, ശിവരഞ്ജിനി എന്നിവര്‍ ബിരുദ വിദ്യാര്‍ഥിനികളും, സംഗീത ബിരുദാനന്തര ബിരുദ വിദ്യാര്‍ഥിനിയുമാണ്.

ഇന്നലെ ഉച്ചകഴിഞ്ഞ് മൂന്നിനു തക്കലയ്ക്കു സമീപം പൊല്ലൂര്‍ കുറിച്ചിയിലായിരുന്നു അപകടം. തക്കലയില്‍ നിന്നു തിരുവനന്തപുരത്തേക്കു വന്ന ചരക്കുലോറിയാണ് കോളേജ് വാനുമായി കൂട്ടിയിടിച്ചത്. ആകെ 13 വിദ്യാര്‍ത്ഥിനികളാണ് വാനിലുണ്ടായിരുന്നുത്.
അപകടം നടന്ന വാന്‍ അഴകിയ മണ്ഡപം വരെയാണ് സര്‍വീസ് നടത്തുന്നത്. ലക്ഷ്യസ്ഥാനത്തെത്താന്‍ എട്ടുകിലോമീറ്റര്‍ ശേഷിക്കെയാണ് അപകടമുണ്ടായത്. ബസ് ഡ്രൈവര്‍ക്കും മറ്റു വിദ്യാര്‍ത്ഥികള്‍ക്കും പരുക്കേറ്റിട്ടുണ്ട്. ലോറി ഡ്രൈവര്‍ തിരുവനന്തപുരം മേപ്പുക്കട കൃഷ്ണദീപത്തില്‍ ശ്രീജു(34 ) നെ തക്കല പോലീസ് കസ്റ്റഡിയിലെടുത്തു. മൃതദേഹങ്ങള്‍ നാഗര്‍കോവില്‍ ആശാരിപളളം മെഡിക്കല്‍ കോളേജ് ആശുപത്രിയി മോര്‍ച്ചറിയിലാണ്. അപകടത്തെത്തുടര്‍ന്നു ദേശീയപാതയില്‍ വാഹനഗതാഗതം തടസ്സപ്പെട്ടു.