ശശികലയ്ക്ക് പ്രത്യേക സൗകര്യങ്ങളെരുക്കി ജയില് അധികൃതര്
സ്വത്തു കേസില് തടവുശിക്ഷയനുഭവിക്കുന്ന അണ്ണാ ഡിഎംകെ ജനറല് സെക്രട്ടറി വി.കെ.ശശികലയ്ക്കു പാരപ്പന അഗ്രഹാര ജയില് അധികൃതര് പ്രത്യേക സൗകര്യങ്ങള് ഒരുക്കിക്കൊടുക്കുന്നതായി സഹതടവുകാരുടെ ആരോപണം.
ജയില് വസ്ത്രമായ വെള്ള സാരിക്കു പകരം ശശികല ചുരിദാര് ധരിക്കുന്നതായും ജയില്ഭക്ഷണത്തിനു പകരം വീട്ടില് നിന്നുള്ള ആഹാരം കഴിക്കുന്നുവെന്നുമാണു പ്രധാന ആക്ഷേപം. ഭാരിച്ച ജോലികള് ഒഴിവാക്കി ഒഴിവുസമയങ്ങളില് തോട്ടം നനയ്ക്കലാണ് ഇവര്ക്കു നല്കിയിരിക്കുന്നതത്രേ.
ജയിലിലേക്കു പ്രവേശിക്കുന്നതിനും പുറത്തു കടക്കുന്നതിനും മറ്റു തടവുകാരെപ്പോലെ പൊക്കം കുറഞ്ഞ ബിഗേറ്റുകളല്ല ഉപയോഗിക്കുന്നതെന്നും പരാതിയുണ്ട്. നടുവളച്ചു കുനിഞ്ഞു കടക്കേണ്ട ബി–ഗേറ്റുകള്ക്കു പകരം ഉദ്യോഗസ്ഥരും മറ്റും ഉപയോഗിക്കുന്ന വഴിയിലൂടെയാണു ശശികലയുടെ യാത്രയെന്നാണ് ആരോപണം. എന്നാല് ഇത്തരം ഇളവുകള് മുന്പും പലര്ക്കും നല്കിയിട്ടുണ്ടെന്നും അസ്വാഭാവികമായി ഒന്നുമില്ലെന്നുമാണു ജയില് അധികൃതരുടെ നിലപാട്.
ജയിലില് സഹോദരഭാര്യ ജെ. ഇളവരശിയുടെ സഹായത്തോടെ ശശികല ആത്മകഥ രചനയ്ക്കുള്ള ഒരുക്കങ്ങളിലാണെന്നാണു വിവരം.
https://www.facebook.com/Malayalivartha
