2000 കോടി മയക്കുമരുന്നു കേസില് മമതാ കുല്ക്കര്ണ്ണിക്കും കാമുകന് വിക്കി ഗോസ്വാമിക്കും എതിരേ ജാമ്യമില്ലാ അറസ്റ്റ് വാറന്റ്
2000 കോടി മയക്കുമരുന്നു കേസില് മുന് ബോളിവുഡ് സ്വപ്നസുന്ദരി മമതാ കുല്ക്കര്ണ്ണിക്കും കാമുകന് വിക്കി ഗോസ്വാമിക്കും എതിരേ ജാമ്യമില്ലാ അറസ്റ്റ് വാറന്റ് പുറപ്പെടുവിച്ചു. താനെയില് പ്രത്യേക കോടതിയാണ് തിങ്കളാഴ്ച ഇരുവര്ക്കുമെതിരേ വാറന്റ് പുറപ്പെടുവിച്ചത്.
ഇവര്ക്കെതിരേ ശക്തമായ തെളിവുകളുടെ അടിസ്ഥാനത്തിലാണ് കുറ്റപത്രം സമര്പ്പിച്ചിട്ടുള്ളത്. നേരത്തേ പ്രതിപട്ടികയില് നിന്നും രണ്ടുപേരെയും ഒഴിവാക്കിയതായിരുന്നു. പിന്നീട് ശക്തമായ തെളിവുകള് കിട്ടുകയായിരുന്നു. മയക്കുമരുന്ന് റാക്കറ്റുമായി ഇവര്ക്ക് ഉറ്റ ബന്ധമുണ്ടെന്നതിന് ശക്തമായ തെളിവുകള് ഉണ്ടെന്ന് കോടതിയില് പബഌക്ക് പ്രോസിക്യൂട്ടര് ശിശിര് ഹിരേ വ്യക്തമാക്കി. ഇന്ത്യയില് നിന്നും കെനിയയിലേക്ക് മെതാംഫെറ്റാമിന് ഉള്പ്പെടെയുള്ള മയക്കുമരുന്ന് കടത്തുന്ന സംഘം നടത്തുന്നതും പ്രധാനികളും മമതാ കുല്ക്കര്ണിയും ഗോസ്വാമിയുമാണെന്നാണ് വിചാരണവേളയില് പറഞ്ഞത്.
കേസില് അറസ്റ്റ് ചെയ്യപ്പെട്ടിട്ടുള്ള ജയ് മുഖി, കിഷോര് സിന്ഹ രാത്തോഡ്, എന്നിവര് കെനിയയിലെ ഒരു ഹോട്ടലില് യോഗം നടത്തിയതായി തെളിവ് കിട്ടി. ഗോസ്വാമിക്ക് വേണ്ടി അദ്ദേഹത്തിന്റെ സഹായികളായ് ആകാശാ സഹോദരങ്ങള്, മമത, മുന് ഫാര്മ കമ്പനി ഡയറക്ടര് മനോജ് ജെയ്ന്, ജയ് മുഖി, അബ്ദുള്ള എന്നിവര് അവിടെയുണ്ടായിരുന്നു. ഫോണ്വിളിയുടെ രേഖകള് ഉള്പ്പെടെ ഇതുമായി ബന്ധപ്പെട്ട സാങ്കേതിക തെളിവുകളും അന്വേഷണ ഉദ്യോഗസ്ഥര്ക്ക് കിട്ടിയിട്ടുണ്ടെന്ന് ഹിരേ കോടതിയില് പറഞ്ഞു.
മമതയും ഗോസ്വാമിയും താമസിക്കുന്നെന്ന് പറയുന്ന അഡ്രസില് സമയാ സമയത്ത് പോലീസ് എത്തുകയും നാട്ടുകാരുടെ മൊഴിയെടുക്കുകയും ചെയ്യുന്നുണ്ട്. ഗോസ്വാമി ഇപ്പോള് അമേരിക്കന് പോലീസിന്റെ കസ്റ്റഡിയിലാണ്. 2000 കോടി മയക്കുമരുന്നു കേസില് നിന്നും ഒഴിവാക്കിയതിന് പിന്നാലെ ഗോസ്വാമി അമേരിക്കയില് അറസ്റ്റിലാകുകയായിരുന്നു.
ജനുവരിയില് ഗോസ്വാമി, ഇബ്രാഹീം, ഭക്തേഷ് ആകാശ, ഗുലാം ഹുസൈന് എന്നിവരെ കെനിയ അമേരിക്കയിലേക്ക് നാടു കടത്തിയിരുന്നു. തുടര്ന്ന് 2000 കോടി മയക്കുമരുന്നു കേസില് നിന്നും ഇവരുടെ പേരുകള് താനെ പോലീസ് നീക്കം ചെയ്യുകയുമുണ്ടായി. എന്നാല് കൊളംബിയന് മയക്കുമരുന്നു കടത്തുകാര് എന്ന് കരുതി അമേരിക്കന് ഡ്രഗ് എന്ഫോഴ്സ്മെന്റ് ഏജന്സി 2014 നവംബറില് അറസ്റ്റ് ചെയ്യുകയായിരുന്നു. ഹെറോയ്നും മെത്താംഫെറ്റാമിനും അടക്കം 98 കിലോയോളം മയക്കുമരുന്നു കപ്പല്മാര്ഗ്ഗം കടത്താന് ഗൂഡാലോചന നടത്തിയെന്ന് ആരോപിക്കപ്പെട്ടത്. 2014 ഏപ്രിലില് 20 ടണ് മയക്കുമരുന്ന് താനെ െ്രെകംബ്രാഞ്ച് പിടിച്ചെടുത്തിരുന്നു.
സോളാപൂരിലെ ഒരു ഫാര്മസ്യൂട്ടിക്കല് ഫാക്ടറി, താനെ, മുംബൈ എന്നിവിടങ്ങളില് നിന്നും പിടികൂടുകയായിരുന്നു. ഇക്കാര്യത്തില് അന്വേഷണം നടത്തിയ സംഘം ഗോസ്വാമിയ്ക്കും കെനിയന് അന്താരാഷ്ട്ര മയക്കുമരുന്ന് മാഫിയയ്ക്കും പങ്കാളിത്തം കണ്ടെത്തുകയും ചെയ്തു.
https://www.facebook.com/Malayalivartha
