സൈനികരെ കൊന്നതും മൃതദേഹം വികൃതമാക്കിയതും പാകിസ്താന്റെ 'ബാറ്റ്' ; കൊല്ലപ്പെട്ടത് ബിഎസ്എഫ് കോണ്സ്റ്റബിളും നായ്ക്ക് സുബേദാറും, സംഭവത്തില് പാക് സൈന്യം ഇന്ത്യന് സൈനികരെ മനപ്പൂര്വ്വം കെണിയില് വീഴ്ത്തുകയായിരുന്നു എന്ന് റിപ്പോര്ട്ട്
പെട്രോളിംഗിന് പോയ ഇന്ത്യന് സൈനികരുടെ മൃതദേഹങ്ങള് പാകിസ്താന്റെ പ്രത്യേകസേന വികൃതമാക്കിയ സംഭവത്തില് പാക് സൈന്യം ഇന്ത്യന് സൈനികരെ മനപ്പൂര്വ്വം കെണിയില് വീഴ്ത്തുകയായിരുന്നു എന്ന് റിപ്പോര്ട്ട്. ഇന്ത്യന് സൈനികര് പാകിസ്താന് സേന നേരത്തേ തയ്യാറാക്കിയ കെണിയില് വീഴുകയായിരുന്നു. ഇതിനായി പാക് സൈനികര് ഇന്ത്യന് മേഖലയില് കടന്നുകയറുകയും ചെയ്തു.
ബിഎസ്എഫ് ന്റെ 200 ബറ്റാലിയന് ഹെഡ് കോണ്സ്റ്റബിള് പ്രേം സാഗറും 22 സിഖ് റജിമെന്റിലെ നായ്ബ് സുബേദാര് പരംജീത് സിംഗ് എന്നിവരെയാണ് പാക് സൈന്യം കൊലപ്പെടുത്തി മൃതദേഹം വികൃതമാക്കിയത്. ജമ്മു കശ്മീരിലെ നിയന്ത്രണ രേഖയിലെ കൃഷ്ണാ ഘാട്ടി മേഖലയില് പാകിസ്താന് സൈന്യം മൈനുകള് സ്ഥാപിച്ചിട്ടുണ്ടെന്ന ഇന്റലിജന്റ്സ് റിപ്പോര്ട്ടില് അന്വേഷണം നടത്താന് പോയ ബിഎസ്എഫ് ജവാന്മാരാണ് അപകടത്തില് പെട്ടത്. മൈന് നോക്കി പോകുന്നതിനിടയില് പാകിസ്താന്റെ ബോര്ഡര് ആക്ഷന് ടീം (ബാറ്റ്) ഈ സൈനികര്ക്കായി ഒളിച്ചിരിക്കുകയായിരുന്നു. ഇന്ത്യന് സൈനികര് അടുത്തെത്തിയതും ഇവര് വെടിവെയ്ക്കുകയായിരുന്നു. രണ്ടു പേരും തല്ക്ഷണം മരണമടഞ്ഞു.
ഉടന് തന്നെ ബാറ്റ് സൈനികര് മൃതദേഹങ്ങള് തിരിച്ചറിയാന് കഴിയാത്ത വിധം വികൃതമാക്കി. ഈ മേഖലയില് മൈനുകള് സ്ഥാപിച്ചിട്ടുണ്ടോയെന്ന ഇപ്പോഴും വ്യക്തമല്ല. പാകിസ്താന്റെ ബോര്ഡര് ആക്ഷന് ടീം ഇന്ത്യന് ഭാഗത്ത് 250 മീറ്റര് അകത്ത് കടന്നു കയറി ഇന്ത്യന് സൈനികരെ ലക്ഷ്യമിടുകയായിരുന്നെന്ന് ഒരു ഉന്നത സൈനികനും വ്യക്തമാക്കി. ഏഴോ എട്ടോ സൈനികരെ വധിക്കാനായിരുന്നു ലക്ഷ്യമിട്ടിരുന്നതെന്നും ഉന്നതോദ്യോഗസ്ഥര് വ്യക്തമാക്കുന്നു
പാകിസ്താന് നിയന്ത്രണരേഖയുടെ ചുമതല ഏല്പ്പിച്ചിരിക്കുന്ന വിഭാഗമാണ് ബാറ്റ്. പാകിസ്താന്റെ സ്പെഷ്യന് സെര്വീസ് ഗ്രൂപ്പിന് കീഴിലാണ് ഇത് രൂപീകരിച്ചിട്ടുള്ളത്. നിയന്ത്രണരേഖയില് സ്ഥിരം പ്രകോപനം സൃഷ്ടിക്കുന്ന ഇവര് മുമ്പും ഇന്ത്യന് സൈനികരുടെ മൃതദേഹങ്ങള് വികൃതമാക്കുന്ന സംഭവങ്ങള് ചെയ്തിട്ടുണ്ട്. 2016 ഒക്ടോബറില് ഒരു ഇന്ത്യന് സൈനികന്റെ ശരീരം തലയില്ലാത്ത നിലയില് നിയന്ത്രണ രേഖയില് കണ്ടെത്തിയിരുന്നു. അതിന് മുമ്പ് 2013 ജനുവരിയില് ലാന്സ് നായക്മാരായ ഹേംരാജിന്റെയും സുധാകര് സിംഗിന്റെയും ഭൗതീകശരീരവും ഈ നിലയില് കണ്ടെത്തിയിരുന്നു. ഈ ആക്രമണത്തില് കോണ്സ്റ്റബിള് രജീന്ദര് സിംഗിനും പരിക്കേറ്റിരുന്നു.
2008 ജൂണില് 2/8 ഗോര്ഖാ റൈഫിള്സിലെ ഒരു സൈനികനെ കേല് സെക്ടറില് വെച്ച് ബാറ്റ് പിടിച്ചിരുന്നു. ദിവസങ്ങള് കഴിഞ്ഞപ്പോള് തലയില്ലാത്ത നിലയില് ശരീരം കണ്ടെത്തി. 1999 ല് കാര്ഗില് യുദ്ധത്തില് ക്യപ്റ്റന് സൗരഭ് കാലിയയെ പാകിസ്താന് സേന പിടിച്ച് ക്രൂരമായ പീഡനത്തിന് വിധേയമാക്കുകയും പിന്നീട് വികൃതമാക്കിയ ശരീരം ഇന്ത്യന് സൈന്യത്തിന് നല്കുകയും ചെയ്തു. 2000 ഫെബ്രുവരി ഭീകരന് ഇല്യാസ് കശ്മീരിയെ തപ്പിയുളള റെയ്ഡ് ഏഴ് സൈനികരുടെ ജീവനാണ് അപകടത്തിലാക്കിയത്
https://www.facebook.com/Malayalivartha
