വീഡിയോ കോണ്ഫറന്സിംഗിലൂടെ ദമ്പതികള് വിവാഹമോചനം നേടി
സോഫ്റ്റ് വെയര് ജോലിക്കാരായ ദമ്പതികള് വീഡിയോ കോണ്ഫറന്സിംഗിലൂടെ വിവാഹമോചനം നേടി. മഹാരാഷ്ട്രയിലെ പൂനയിലാണ് സംസ്ഥാനത്തെ തന്നെ ആദ്യ സ്കൈപ്പ് വിവാഹമോചന കേസ് നടന്നത്.
പ്രണയിച്ച് വിവാഹം കഴിച്ച ഇരുവര് തമ്മിലാണ് സ്കൈപ്പിലൂടെ വിവാഹബന്ധം അവസാനിപ്പിക്കാന് തീരുമാനിച്ചത്. സോഫ്റ്റ്വെയര് എന്ജിനിയര്മാരായ ഇരുവരും സിംഗപ്പൂരിലും ലണ്ടനിലുമാണ് കഴിയുന്നത്. പൂനയിലെ സിവില് കോടതിയില് ഭര്ത്താവ് എത്തിയെങ്കിലും ജോലിത്തിരക്കുകാരണം ഭാര്യക്ക് എത്താന് സാധിച്ചിരുന്നില്ല. തുടര്ന്നാണ് വീഡിയോ ചാറ്റിങ് സോഫ്റ്റ്വെയറായ സ്കൈപ്പ് വഴി ബന്ധപ്പെട്ടത്.
ഭാര്യ അമരാവതി സ്വദേശിയും ഭര്ത്താവ് നാഗ്പൂര് സ്വദേശിയുമാണ്. സിംഗപ്പൂരില് ഭര്ത്താവിന് ജോലി ലഭിച്ചതോടെ വിവാഹ ജീവിതം മുന്നോട്ട് കൊണ്ടുപോകാന് പാടാണെന്ന് മനസ്സിലാക്കുകയായിരുന്നു. തുടര്ന്ന് വിവാഹമോചനത്തിന് നിര്ദ്ദേശിക്കുകയായിരുന്നു. പൂനയില് വച്ച് 2015 മെയ് ഒമ്പതിനായിരുന്നു ഇരുവരും തമ്മിലുള്ള വിവാഹം നടന്നത്. അതേവര്ഷം ജൂണ് 30ന് വിവാഹമോചനത്തിന് കേസ് നല്കുകയും വേര്പിരിഞ്ഞ് താമസിക്കുകയും ചെയ്യുകയായിരുന്നു.
2015 മേയിലായിരുന്നു ദമ്പതികളുടെ വിവാഹം. ദീര്ഘകാലത്തെ പ്രണയത്തിനുശേഷമാണ് ഇവര് വിവാഹിതരായത്. എന്നാല് ഒരു മാസത്തിനുശേഷം ദമ്പതികളുടെ വിവാഹജീവിതത്തില് പ്രശ്നങ്ങള് ആരംഭിക്കുകയും വേര്പിരിയലിലേക്കു നയിക്കുകയുമായിരുന്നു.
https://www.facebook.com/Malayalivartha
