ബോളിവുഡ് താരങ്ങളെ കൂട്ടത്തോടെ കൊല്ലാന് ഇന്ത്യന് മുജാഹിദ്ദീന് പദ്ധതിയിടുന്നതായി വെളിപ്പെടുത്തല്
ബോളിവുഡ് താരങ്ങളെ കൂട്ടത്തോടെ കൊല്ലാന് ഇന്ത്യന് മുജാഹിദ്ദീന് പദ്ധതിയിടുന്നതായി വെളിപ്പെടുത്തല്. അറസ്റ്റിലായ ഇന്ത്യന് മുജാഹുദ്ദീന് ഭീകരന് തെഹ്സീന് അക്തറാണ് ഇക്കാര്യം പോലീസിനോട് വെളിപ്പെടുത്തിയത്. ഇന്ത്യന് മുജാഹ്ദ്ദീനിന്റെ സ്ഥാപക നേതാവായ യാസിന് ഭക്ടലിന്റെ നേതൃത്വത്തിലാണ് ബോളിവുഡ് താരങ്ങള് പങ്കെടുക്കുന്ന പരിപാടിയില് മനുഷ്യബോംബ് ആക്രമണം നടത്താന് പദ്ധതിയിട്ടത്.
പ്രമുഖ ബോളിവുഡ് താരങ്ങള് പങ്കെടുക്കുന്ന പരിപാടിയില് മനുഷ്യബോംബ് ആക്രമണം എന്ന ആശയം യാസിന് ഫക്ടലിന്റെ പ്രത്യേക താല്പര്യ പ്രകാരമാണ് ആലോചിച്ചതെന്നും തെഹ്സീന് അക്തര് അന്വേഷണ സംഘത്തോട് പറഞ്ഞതായി ഒരു ഉന്നത ഉദ്ദ്യോഗസ്ഥന് വ്യക്തമാക്കിയിട്ടുണ്ട്. ഈ വെളിപ്പെടുത്തല് അന്വേഷണ സംഘത്തെ അങ്കലാപ്പിലാക്കിയിരിക്കുകയാണ്.
ബോളിവുഡ് താരങ്ങള് പങ്കെടുക്കുന്ന താരനിശകള്, വിവാഹങ്ങള്, തങ്ങുന്ന വിനോദ സഞ്ചാര കേന്ദ്രങ്ങള്, എത്തുന്ന പ്രാര്ത്ഥനാലയങ്ങള് എന്നിവയെല്ലാം ഇതോടെ പ്രത്യേക നിരീക്ഷണത്തിലായി. മുന്കാലങ്ങളില് ബോളിവുഡ് താരങ്ങള്ക്ക് തീവ്രവാദികളില്നിന്ന് ഭീഷണികളുണ്ടായിരുന്നെങ്കിലും കൂട്ടത്തോടെ കൊല്ലപ്പെടുത്താനുളള ആലോചന ആദ്യമായാണ് പുറത്തുവരുന്നത്. ആക്രമത്തിനുളള കാരണവും ഭീകരന് വെളിപ്പെടുത്തി. ബോളിവുഡ് താരങ്ങള് ലൈംഗികതയെയും അക്രമത്തെയും പ്രോത്സാഹിപ്പിക്കുകയാണ്. നഗ്നത കാട്ടിയുളള അഭിനയം ബോളിവുഡില് കൂടി വരികയാണ്. അത് അവസാനിപ്പിക്കേണ്ടത് അത്യാവശ്യമാണ്. ഒറ്റയ്ക്ക് കൊല്ലുന്നതിനേക്കാള് കൂട്ടത്തോടെ കൊല്ലുന്നതാണ് നല്ലതെന്ന അഭിപ്രായത്തിനാണ് മുജാഹിദ്ദീന്റെ യോഗത്തില് പിന്തുണ കിട്ടിയതെന്നും അക്തര് അന്വേഷണ സംഘത്തോട് പറഞ്ഞു.
https://www.facebook.com/Malayalivartha
