ദേരാ സച്ചാ തലവന്‍ റാം റഹീമും വളര്‍ത്തുമകള്‍ ഹണിപ്രീത് സിംഗും തമ്മിലുള്ള ബന്ധത്തെപ്പറ്റി ഭര്‍ത്താവ് പരാതിപ്പെട്ടതിന് പിന്നാലെ അവരുടെ സ്വകാര്യ ചിത്രങ്ങളും പുറത്തായി. പോലീസിന്റെ കൈവശമുള്ള റാം റഹീമിന്റെ സ്വകാര്യ ഫോണില്‍ നിന്നാണ് ഈ ചിത്രങ്ങള്‍ ചോര്‍ന്നത് എന്ന് സംശയിക്കുന്നു. സോഷ്യല്‍ മീഡിയ വഴിയാണ് ചിത്രങ്ങളും വീഡിയോകളും പ്രചരിക്കുന്നത്. 

റാം റഹീം അറസ്റ്റിലായതോടെ ഹണിപ്രീത് ഇപ്പോള്‍ ഒളിവിലാണ്. ഹണിപ്രീതിനെ കണ്ടെത്തുന്നതിനായി പോലീസ് ലുക്കൗട്ട് നോട്ടീസ് പുറപ്പെടുവിച്ചതിന് പിന്നാലെ പോലീസ് തിരച്ചിലും ശക്തമാക്കി. നേപ്പാള്‍ അതിര്‍ത്തി കേന്ദ്രീകരിച്ചാണ് ഹരിയാണ പോലീസ് തിരച്ചില്‍ നടത്തുന്നത്. ഹണിപ്രീത് നേപ്പാള്‍ അതിര്‍ത്തി കടന്നിരിക്കാമെന്ന സംശയമുയരുന്നതോടെയാണിത്.

പ്രിയങ്ക തനേജ എന്നാണ് ഹണിപ്രീത് ഇന്‍സാന്റെ ശരിയായ പേര്. ഗുര്‍മീത് മകളായി ദത്തെടുത്തതിന് ശേഷം ആണ് ഹണിപ്രീത് ഇന്‍സാന്‍ എന്ന പേര് സ്വീകരിച്ചത്. ഗുര്‍മീതും ദത്തുപുത്രി ഹണിപ്രീതും തമ്മില്‍ അവിഹിത ബന്ധം ഉണ്ടായിരുന്നു എന്ന് ഹണിപ്രീതിന്റെ ഭര്‍ത്താവ് വിശ്വാസ് ഗുപ്ത ആരോപിച്ചിരുന്നു. 

ഇന്ത്യടുഡേ ആണ് ഈ വാര്‍ത്ത റിപ്പോര്‍ട്ട് ചെയ്തിരിക്കുന്നത്. ഹണിപ്രീതിനെ ഗുര്‍മീത് ദത്തെടുത്തതിന് ശേഷം ആയിരുന്നു ഈ സംഭവങ്ങള്‍ എല്ലാം നടന്നത്. തുടര്‍ന്ന് 2012 ല്‍ വിശ്വാസ് ഗുപ്ത ഗുര്‍മീതും ഹണിപ്രീതും തമ്മില്‍ അവിഹിത ബന്ധം ഉണ്ടെന്ന് ആരോപിച്ചും, ഗുര്‍മീത് തന്റെ ഭാര്യയെ കസ്റ്റഡിയില്‍ വച്ചിരിക്കുകയാണ് എന്ന് ആരോപിച്ചും ഹൈക്കോടതിയെ സമീപിച്ചു.