പീഡനത്തിനിരയായ പതിമൂന്നു കാരിയുടെ ഗര്ഭം അലസിപ്പിക്കാന് സുപ്രീംകോടതിയുടെ അനുമതി
പതിമൂന്നു കാരിയുടെ എട്ടുമാസം വളര്ച്ചയായ ഗര്ഭം അലസിപ്പിക്കാന് സുപ്രീംകോടതി അനുമതി. പീഡനത്തിനിരയായ മുംബൈ സ്വദേശിനിക്കാണ് സുപ്രീംകോടതി ഒടുവില് കനിവു കാട്ടിയത്.
കുട്ടിയുടെ ആരോഗ്യസ്ഥിതി വിലയിരുത്തിയ ശേഷമാണ് കോടതി അനുമതി നല്കിയത്. 31 ആഴ്ച പ്രായമുള്ള ഗര്ഭം അലസിപ്പിക്കാനാണ് കോടതിയുടെ അനുമതി. ചീഫ് ജസ്റ്റിസ് ദീപക് മിശ്ര അധ്യക്ഷനായ ബെഞ്ചാണ് പെണ്കുട്ടിക്കു അനുമതി നല്കിയത്. ഗര്ഭഛിദ്രത്തിനു അനുമതി നല്കണമെന്ന് ആവശ്യപ്പെട്ട് പെണ്കുട്ടിയുടെ കുടുംബം കഴിഞ്ഞ മാസം സുപ്രീം കോടതിയെ സമീപിക്കുകയായിരുന്നു. ജെജെ ആശുപത്രിയിലെ ഡോക്ടര്മാരുടെ സംഘമാണ് പെണ്കുട്ടിയുടെ ആരോഗ്യസ്ഥിതി സംബന്ധിച്ച് കോടതിക്ക് റിപ്പോര്ട്ട് നല്കിയത്.
കഴിഞ്ഞ മാസം നടത്തിയ പരിശോധനയിലാണ് കുട്ടി ഗര്ഭിണിയാണെന്ന് അറിഞ്ഞതെന്ന് ഡോക്ടര്മാര് കോടതിയെ അറിയിച്ചിരുന്നു. ഇതേതുടര്ന്നു പെണ്കുട്ടിയെ പരിശോധിച്ച് നിലപാടറിയിക്കാന് മെഡിക്കല് ബോര്ഡിനോട് കോടതി ഉത്തരവിട്ടിരുന്നു.
https://www.facebook.com/Malayalivartha
