1993ലെ സ്‌ഫോടന പരമ്പരക്കേസില്‍ പ്രതിയായ അധോലോക കുറ്റവാളി അബു സലേമിന് പ്രത്യേക ടാഡാകോടതി ജീവപര്യന്തം വിധിച്ചു. സലിമിനെ കൂടാതെ കരിമുള്ള ഖാനും ജീവപര്യന്തമാണ് ലഭിച്ചത്. അതേസമയം, ഫിറോസ് ഖാന്‍, താഹിര്‍ മര്‍ച്ചന്റ് എന്നിവര്‍ക്ക് വധശിക്ഷ ലഭിച്ചു. കേസിലെ മറ്റൊരു പ്രതി റിയാസ് സിദ്ദിഖിക്ക് 10 വര്‍ഷം കഠിന തടവാണ് ശിക്ഷ. കേസിന്റെ വിചാരണ നടക്കുന്നതിനിടെ മുസ്തഫദോസ മരിച്ചു. അബ്ദുള്‍ ഖയ്യൂം എന്ന പ്രതിയെ കോടതി വെറുതെ വിടുകയും ചെയ്തു. അബു സലേമും കരീമുള്ളയും രണ്ട് ലക്ഷം രൂപാ വിതം പിഴയും അടയ്ക്കണമെന്ന് പ്രത്യേക ജഡ്ജി ഗോവിന്ദ് എ. സനാപ് പറഞ്ഞു.

അബു സലേമിനും റിയാസ് സിദ്ദിഖിക്കും ജീവപര്യന്തം തടവും ബാക്കി നാല് പ്രതികള്‍ക്ക് വധശിക്ഷയും നല്‍കണമെന്നാണ് പ്രോസിക്യൂഷന്‍ വാദിച്ചത്. പോര്‍ച്ചുഗലില്‍ വച്ച് അറസ്റ്റ് ചെയ്യപ്പെട്ട അബു സലേമിനെ വധശിക്ഷ നല്‍കില്ലെന്ന ഉപാധിയിലാണ് പോര്‍ച്ചുഗല്‍ കോടതി ഇന്ത്യയ്ക്ക് കൈമാറിയത്. പ്രദീപ് ജെയിന്‍ എന്ന കെട്ടിടനിര്‍മാതാവിന്റെ കൊലപാതകക്കേസില്‍ ജീവപര്യന്തം ശിക്ഷ അനുഭവിച്ച വരികയാണ് അബു സലേം ഇപ്പോള്‍. മുംബയ് സ്‌ഫോടനം നടന്ന് 24 വര്‍ഷങ്ങള്‍ക്കു ശേഷമാണ് പ്രത്യേക ടാഡ കോടതിയുടെ വിധി.

1993ല്‍ മുംബയിലുണ്ടായ സ്‌ഫോടനത്തില്‍ 257 പേര്‍ കൊല്ലപ്പെടുകയും 713 പേര്‍ക്ക് പരിക്കേല്‍ക്കുകയും ചെയ്തിരുന്നു. സ്‌ഫോടനം ആസൂത്രണം ചെയ്തവര്‍ക്ക് ഗുജറാത്തില്‍നിന്നും മുംബയിലേക്ക് ആയുധം എത്തിച്ചു നല്‍കിയെന്നാണ് ഇവര്‍ക്കെതിരായ കേസ്. അബുസലീമാണ് കേസിലെ മുഖ്യപ്രതി. മുസ്തഫ ദോസെ ബറൂചില്‍ നിന്നും അയച്ച ആയുധങ്ങള്‍ അബു സലിം വഴിയാണ് മുംബയിലെത്തിച്ചത്. സ്‌ഫോടകവസ്തുക്കള്‍ അയയ്ക്കുന്നതിന് മുമ്പ് മുസ്തഫ ദോസെയും സഹോദരന്‍ മുഹമ്മദ് ദോസെയും ദുബായിലെ വസതിയില്‍ ചര്‍ച്ച നടത്തിയിരുന്നു.

അബ്ദുള്‍ ഗയൂം അദോലോക നായകന്‍ ദാവൂദ് ഇബ്രാഹിമിന്റെ ദുബായിലെ ഓഫീസിലെ മാനേജരാണ്. മുംബയിലുണ്ടായ സ്‌ഫോടനത്തില്‍ 257 പേര്‍ കൊല്ലപ്പെടുകയും 713 പേര്‍ക്ക് പരിക്കേല്‍ക്കുകയും ചെയ്തിരുന്നു. സ്‌ഫോടനത്തിന്റെ മുഖ്യസൂത്രധാരന്‍ ടൈഗര്‍ മേമന്റെ സഹോദരന്‍ യാക്കൂബ് മേമനെ 2015 ജൂലായ് 30ന് തൂക്കിലേറ്റിയിരുന്നു.

2007ല്‍ കേസിലെ ആദ്യഘട്ട വിചാരണ അവസാനിച്ചപ്പോള്‍ 100 പേരെ കുറ്റക്കാരായി കണ്ട കോടതി 23 പേരെ വെറുതെ വിട്ടിരുന്നു. ബോളിവുഡ് നടന്‍ സഞ്ജയ് ദത്തിന് എ.കെ.47 അടക്കമുള്ള ആയുധങ്ങള്‍ കൈമാറിയെന്ന കേസിലും അബു സലിം പ്രതിയാണ്.