മുസ്ലീങ്ങളെ ഇഷ്ടമാണെന്ന് പറഞ്ഞതിനു നേരിടേണ്ടി വന്ന മാനസിക പീഡനം സഹിക്കാനാകാതെ യുവതി ആത്മഹത്യ ചെയ്തു. 20 വയസ്സുകാരിയായ ധന്യശ്രീയാണ് ആത്മഹത്യ ചെയ്തത്. ബെംഗളൂരുവിലാണ് സംഭവം. സന്തോഷ്​ എന്ന കൂട്ടുകാരനുമായി യുവതി ചാറ്റ് ചെയ്യുന്നതിനിടയിൽ ജാതി മത വിഷയങ്ങൾ സംസാരിക്കുകയും തുടർന്ന് ഇരുവരും മതത്തിൻറെപ്പേരിൽ തർക്കത്തിലാകുകയും ചെയ്തു. 'ഐ ലവ് മുസ്ലീംസ്' എന്ന ധന്യശ്രീയുടെ സന്ദേശം സന്തോഷിനെ ചൊടിപ്പിച്ചു.

സന്തോഷ് മുസ്ലിങ്ങളുമായുള്ള ബന്ധം വിലക്കുകയും ഈ സന്ദേശത്തിന്റെ സ്ക്രീൻഷോട്ട് ബജ്​രംഗ്​ ദളി​​​​​ന്റെ പ്രാദേശിക നേതൃത്വത്തിനും വി.എച്ച്‌​.പി അംഗങ്ങള്‍ക്കും അയക്കുകയും ചെയ്തു. സ്ക്രീന്ഷോട്ട് വ്യാപകമായി പ്രചരിച്ചതോടെ ധന്യശ്രീക്കും അമ്മക്കും ബിജെപിക്കാരുടെ മനസികപീഡനം നിരന്തരം നേരിടേണ്ടി വന്നു. ബി.ജെ.പി യൂത്ത്​ വിങ്​ ലീഡര്‍ അനില്‍ രാജടക്കമുള്ള സംഘം ഇവരുടെ വീട്ടിൽ​ വരികയും മുസ്‌ലിംങ്ങളുമായി സൗഹൃദം സൂക്ഷിക്കുന്നതിനെതിരെ ഭീഷണിപ്പെടുത്തുകയും ചെയ്തിരുന്നു.

ഒടുവിൽ മനംനൊന്ത ധന്യശ്രീ ജീവനൊടുക്കുകയായിരുന്നു. സംഭവവുമായി ബന്ധപ്പെട്ട്​ അനില്‍ രാജിനെ പോലീസ് അറസ്റ്റ് ചെയ്തു. മറ്റ്​ പ്രതികള്‍ക്കായി പോലീസ് തിരച്ചിൽ നടത്തുകയാണ്. സന്ദേശത്തി​​​​​ന്റെ സ്​ക്രീന്‍ ഷോട്ട്​ പങ്ക്​ വെച്ചവര്‍ക്കെതിരെ നടപടിയെടുക്കുമെന്ന്​ എസ്​.പി പറഞ്ഞു. 'ഇത്​ സദാചാര പൊലീസിങ്​ അല്ലെന്നും സദാചാര ഗുണ്ടായിസമാണെന്നും' എസ്​.പി പറഞ്ഞു.