കര്ണാടക സര്ക്കാരിനെതിരെ രൂക്ഷ വിമര്ശനവുമായി അമിത് ഷാ, കര്ണാടക സര്ക്കാര് ഹിന്ദു വിരുദ്ധം, ബിജെപിക്കെതിരെ നടത്തുന്ന ക്രൂര പ്രവൃത്തികള് അവസാനിപ്പിക്കാന് കോണ്ഗ്രസ് തയ്യാറാകണമെന്ന് അമിത് ഷാ
സിദ്ധരാമയ്യയുടെ കീഴിലുള്ള കര്ണാടകയിലെ കോണ്ഗ്രസ് സര്ക്കാരിനെതിരെ രൂക്ഷ വിമര്ശനവുമായി ബിജെപി ദേശീയ അധ്യക്ഷന് അമിത് ഷാ രംഗത്ത്. കര്ണാടക സര്ക്കാര് ഹിന്ദു വിരുദ്ധമാണെന്നാണ് അമിത് ഷാ ഇന്നലെ ചിത്രദുര്ഗയില് നടന്ന പരിവര്ത്തന റാലിയില് പറഞ്ഞത്.
കഴിഞ്ഞ മൂന്ന് വര്ഷങ്ങള് കൊണ്ട് 20 ഓളം ആര്എസ്എസ്, ബിജെപി പ്രവര്ത്തകരെയാണ് കര്ണാടയില് നഷ്ടമായത്. അതുകൊണ്ട് ബിജെപിക്കെതിരെ നടത്തുന്ന ക്രൂര പ്രവൃത്തികള് അവസാനിപ്പിക്കാന് കോണ്ഗ്രസ് തയ്യാറാകണം എന്നും അമിത് ഷാ പറഞ്ഞു. കര്ണാടകയില് ബിജെപി അധികാരത്തില് എത്തിയാല് കൊലപാതക കേസുകള് മുഴുവന് അന്വേഷിച്ച് തെളിയിക്കും എന്നും എല്ലാവരെയും ജയിലില് അടക്കുമെന്നും അമിത് ഷാ പറഞ്ഞു.
വോട്ടുകള് നേടുക എന്ന ലക്ഷ്യം മാത്രം വെച്ചുകൊണ്ടാണ് കര്ണാടകയിലെ ഹിന്ദു വിരുദ്ധ സര്ക്കാര് പ്രവൃത്തിക്കുന്നത്.എന്നാല് അഞ്ച് വര്ഷത്തെ ദുര്ഭരണം മൂലം ജനങ്ങളില് നിന്നും സര്ക്കാര് അകന്നു കഴിഞ്ഞു. ജനങ്ങളുടെ വികസനത്തിന് പകരം കോണ്ഗ്രസ് നേതാക്കള്ക്കു മാത്രമാണ് കര്ണാടകയില് വികസനം ഉണ്ടായതെന്നും അമിത് ഷാ കുറ്റപ്പെടുത്തി.
കൂടാതെ സംസ്ഥാനത്ത് വ്യാപമായി അഴിമതി നടന്നിട്ടുണ്ടെന്നും ഷാ ചൂണ്ടിക്കാട്ടി. നിയസഭാ തെരഞ്ഞെടുപ്പ് പ്രവര്ത്തനത്തിന്റെ ഭാഗമായാണ് അമിത് ഷാ കര്ണാടകയില് എത്തിയത്. പൊതു പരിപാടിക്കു ശേഷം അമിത് ഷാ കര്ണാടകയിലെ പാര്ട്ടി നേതാക്കളുമായി കൂടിക്കാഴ്ച നടത്തി. തെരഞ്ഞെടുപ്പ് പ്രവര്ത്തനങ്ങളുടെ ഭാഗമായി രണ്ടാമത്തെ തവണയാണ് അമിത് ഷാ കര്ണാടയില് എത്തുന്നത്.
https://www.facebook.com/Malayalivartha
