സൈന്യത്തിന് പ്രത്യേക അധികാരം നല്‍കുന്ന അഫ്‌സ്പ (ആര്‍മ്ഡ് ഫോര്‍സസ് സ്‌പെഷ്യല്‍ പവേര്‍സ് ആക്ട്) നിയമം കേന്ദ്രസര്‍ക്കാര്‍ പുന:പരിശോധിക്കാനൊരുങ്ങി . ഇതു സംബന്ധിച്ച് ആഭ്യന്തിര സൈനിക വൃത്തങ്ങള്‍ തമ്മില്‍ ചര്‍ച്ചകള്‍ നടന്നു വരികയാണ്. 
ജമ്മു കാശ്മീര്‍, ഉത്തരേന്ത്യന്‍ സംസ്ഥാനങ്ങള്‍ എന്നിവിടങ്ങളിലെ പ്രശ്‌നബാധിത പ്രദേശങ്ങളിലാണ് അഫ്‌സ്പ നടപ്പാക്കുന്നത്. ഈ നിയമം അക്രമം നടത്തുന്ന രഹസ്യ കേന്ദ്രങ്ങള്‍ റെയ്ഡ് ചെയ്യാനും നശിപ്പിക്കാനുമുള്ള അധികാരം പട്ടാളക്കാര്‍ക്കുണ്ട്. അതുപോലെ തന്നെ നിയമ ലംഘനം നടത്തിയെന്ന് കരുതുന്നയാളെ റെയ്ഡ് ചെയ്യാനും നശിപ്പിക്കാനുമുള്ള അധികാരവും ഇവര്‍ക്കുണ്ട്.

എന്നാല്‍ ഈ നിയമം സൈനീകര്‍ ദുരൂപയോഗം ചെയ്യുന്നതായി വ്യാപകമായ ആരോപണം ഉയരുന്നുണ്ട്. വടക്കു കിഴക്കന്‍ സംസ്ഥാനങ്ങളിലും കാശ്മീരിലും പ്രത്യേക സൈനിക നിയമം നടപ്പിലാക്കിയതിന്റെ പേരില്‍ വ്യാപകമായ പ്രതിഷേധങ്ങളാണ്. ഈ നിയമം ഉപയോഗിച്ച് സൈനികര്‍ ജനങ്ങളെ പീഡിപ്പിക്കുന്നതിനെതിരെ അന്താരാഷ്ട്ര മനുഷ്യാവകാശ സംഘടനകളും രംഗത്തെത്തിയിരുന്നു. ഇതിന്റെ പശ്ചാത്തലത്തിലാണ് നിയമം റദ്ദാക്കുന്നതിനോ അല്ലെങ്കില്‍ ഹിതകരമല്ലാത്ത് ചില വ്യവസ്ഥകള്‍ ഒഴിവാക്കുന്നതിനോ സര്‍ക്കാര്‍ ആലോചിക്കുന്നത്. മണിപ്പൂരില്‍ സൈന്യത്തിന്റെ കസ്റ്റഡിയിലിരിക്കെ തഞ്ചം മനോരമ എന്ന സ്ത്രീ കൊല്ലപ്പെട്ടത് വ്യാപക പ്രതിഷേധത്തിന് ഇടയാക്കിയിരുന്നു. ഈറോം ശര്‍മ്മിള അനിശ്ചിതകാല നിരാഹാരം ആരംഭിച്ചതും ഈ നിയമത്തിനെതിരെ ആയിരുന്നു.

2006 ജൂണ്‍ ആറിന് ആഫ്‌സ്പ നിയമത്തെ കുറിച്ച് അന്വേഷിച്ച ജസ്റ്റിസ് ജീവന്‍ റെഡി കമ്മിഷന്‍ അന്നത്തെ പ്രധാനമന്ത്രി മന്‍മോഹന്‍ സിംഗിന് റിപ്പോര്‍ട്ട് സമര്‍പ്പിച്ചു. കമ്മിഷന്റെ റപ്പോര്‍ട്ടിന്റെ അടിസ്ഥാനത്തില്‍ നിയമത്തില്‍ ഭേദഗതി വരുത്തുമെന്ന് മന്‍മോഹന്‍ സിംഗ് പാര്‍ലമെന്റില്‍ വ്യക്തമാക്കിയിരുന്നെങ്കിലും തുടര്‍ നടപടികളുണ്ടായതേയില്ല.