ഇന്ത്യന് നീതിന്യായ വ്യവസ്ഥയില് പുതിയ ചരിത്രം സൃഷ്ടിച്ച് വനിതാ അഭിഭാഷക നേരിട്ട് സുപ്രീം കോടതി ജഡ്ജി പദവിയിലേക്ക്
ഇന്ത്യന് നീതിന്യായ വ്യവസ്ഥയില് പുതിയ ചരിത്രം സൃഷ്ടിച്ച് വനിതാ അഭിഭാഷക നേരിട്ട് സുപ്രീം കോടതി ജഡ്ജി പദവിയിലേക്ക്. മുതിര്ന്ന അഭിഭാഷകയായ ഇന്ദു മല്ഹോത്രയാണ് സുപ്രീം കോടതി ജഡ്ജി പദവിയിലേക്ക് നേരിട്ട് എത്തുന്നത്. ഇന്ദു മല്ഹോത്രയെ കൂടാതെ മലയാളിയും ഉത്തരാഖണ്ഡ് ഹൈക്കോടതി ചീഫ് ജസ്റ്റിസുമായ കെ.എം.ജോസഫിനെയും സുപ്രീം കോടതി ജഡ്ജിയായി നിയമിക്കാന് ചീഫ് ജസ്റ്റിസ് ദീപക് മിശ്ര അദ്ധ്യക്ഷനായ കൊളീജിയം സമിതി ശുപാര്ശ ചെയ്തു. ആറ് ഒഴിവിലേക്കാണ് കൊളീജിയം രണ്ട് പേരെ ശുപാര്ശ ചെയ്തിരിക്കുന്നത്.
രാജ്യത്ത് ആദ്യമായാണ് ഒരു വനിത അഭിഭാഷക സുപ്രീം കോടതി ജഡ്ജിയായി നേരിട്ട് ശുപാര്ശ ചെയ്യപ്പെടുന്നത്. സുപ്രീം കോടതിയില് നിലവിലെ 25 ജഡ്ജിമാരില് ജസ്റ്റിസ് ആര്. ഭാനുമതി മാത്രമായിരുന്നു വനിതാ സാന്നിധ്യം. 2014 ഓഗസ്റ്റിലാണ് ഭാനുമതി നിയമിതയായത്. സുപ്രീം കോടതി ജഡ്ജിയാകുന്ന ആറാമത്തെ വനിതയാണ് ജസ്റ്റിസ് ആര്. ഭാനുമതി.
https://www.facebook.com/Malayalivartha
